Bia.Az

Bir çox ölkələri sosial böhran və siyasi dəyişikliklər gözləyir

Dünya
 10-07-2022, 13:16     134

İnkişaf etməkdə olan ölkələrin iqtisadiyyatı üçün defolt riskləri artıb. Dövlət iflas dalğası 2022-ci ilin sonuna qədər qlobal bazarları silkələyə bilər. Hazırda Salvador, Qana, Misir, Tunis və Pakistan ən həssas vəziyyətdədir.

Bizimyol.info xarici mətbuata istinadla xəbər verir ki, bu qənaətə “Bloomberg Economics” analitikləri gəlib. Analitiklər borc bazarları üçün domino effektinin xarakterini izah ediblər. Bildirilib ki, 2022-ci ilin əvvəlindən üç ölkə - Şri-Lanka, Livan və Rusiya artıq defolt vəziyyətinə düşüb.
Mütəxəssislər ümidsiz borcların ümumi həcmini dörddə bir trilyon dollar səviyyəsində qiymətləndirirlər. Bu, inkişaf etməkdə olan bazarların 1,4 trilyon dollarlıq borcunun demək olar ki, beşdə birini - təxminən 17 faizini təşkil edir.
"Ən çox vurğulananlar daha az inkişaf etməkdə olan ölkələrin iqtisadiyyatlardır. Aşağı gəlirli ölkələr üçün borc riskləri və borc böhranları hipotetik deyil. Onlar demək olar ki, buradadırlar”,- deyə Dünya Bankının baş iqtisadçısı Karmen Reinhart bildirib.
Reinhart vurğulayıb ki, bu ölkələr üçün dövlət borcu üzrə ödənişlər çətin ola bilər. Vəziyyət bir neçə amillə daha da ağırlaşır. Rusiyanın Ukraynaya qarşı müharibəsi əmtəə qiymətlərinə təzyiq göstərib. Qlobal faiz dərəcələri yüksəlir və ABŞ dolları möhkəmlənir. İnkişaf etməkdə olan bazar borclarının defoltlardan sığortalanmasının dəyəri böyük miqyasda artıb.
"Bunlar ilin ikinci yarısında rezonans doğurmağa davam edəcək. Ərzaq qiymətlərinin artmasının səbəb ola biləcəyi, sonra isə siyasi dəyişikliyə səbəb ola biləcək sosial qeyri-sabitlik baxımından çoxlu akademik ədəbiyyat və tarixi presedent var",- deyə “Nuveen” şirkətinin Beynəlxalq və İnkişaf etməkdə olan Bazar Borcu Departamentinin rəhbəri Anupam Damani bildirib.
Xatırladaq ki, bir müddət əvvəl Rusiya büdcədəki vəziyyətlə bağlı məlumatı dərc etməkdən imtina edib. Eyni zamanda iqtisadiyyatın sektorları üzrə müfəssəl statistik məlumatları dərc etməyi dayandırıb. Mütəxəssislərə görə, bu, sanksiyalar nəticəsində sarsıdıcı çöküşü gizlətmək məqsədilə edilib.скачать dle 12.1