Milyarder öz şəhərini inşa edir
Spacex və Twitter-in sahibi, milyarder İlon Mask ABŞ-ın Texas ştatı yaxınlığındakı ərazidə öz şəhərini qurmağı planlaşdırır.
Musavat.com ABŞ-ın “Wall Street Journal” qəzetinə istinadən xəbər verir ki, sözügedən şəhər ştatın Ostin şəhəri yaxınlığında yerləşən Bastrop qraflığında tikiləcək.
Bildirilir ki, təməli qoyulacaq şəhər hazırda tikintisi davam edən Boring və SpaceX obyektlərinin yanında olacaq.
Sözügedən xəbərdə qeydolunub ki, Mask şirkətlərində çalışan insanlara tikiləcək şəhərdə yaşamaları üçün nisbətən aşağı qiyməyə kirayə ev verəcək.
Texas qanunlarına görə, bir bölgənin şəhər sayılması üçün ərizə verilməzdən əvvəl həmin ərazidə ən azı 201 nəfər yaşamalıdır.
