Əmlak Məsələləri Dövlət Xidmətinin rəis müavini Rüstəm Şahbazovun üzüm və taxıl sahələri… – Dövlət Xidmətinin yerli qurumlarla iş şöbəsinin müdiri Yusif Qənbərovun vətəgəsi, avtomobil sexləri və…
Hal-hazırda həbs həyatı yaşayan İldırım nə üçün Rüstəm Şahbazovun və Yusif Qənbərovun adını çəkmir?
Haqqında bəhs edəcəyimiz Rüstəm Şahbazov və Yusif Qənbərov haqqında qısa məlumat verək. Deməli, Rüstəm Şahbazov uzun illərdir ki, Əmlak Məsələləri Dövlət Komitəsinin sədr müavinidir. Dövlət Əmlak Komitəsi İqtisadiyyat Nazirliyinin tərkibinə daxil olandan sonra isə Rüstəm Şahbazov Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidmətinin rəis müavinidir. Qənbərov Yusif Bəybala oğlu isə Azərbaycan Respublikası Əmlak Məsələləri Dövlət Komitəsinin ( indi isə Dövlət Xidmətində ) yerli qurumlarla iş şöbəsinin müdiridir.
Qeyd edək ki, Rüstəm Şahbazov 1963-cü ildə Cəlilabadda anadan olub. 1989-cu ildə “Narxoz”u bitirib. Azərbaycan Respublikası Prezidentinin 14 fevral 2006-cı il tarixli Sərəncamı ilə Dövlət Əmlakının İdarə Edilməsi üzrə Dövlət Komitəsinin sədrinin müavini vəzifəsinə təyin edilmişdir. Azərbaycan Respublikası Prezidentinin 10 iyul 2009-cu il tarixli Sərəncamı ilə Əmlak Məsələləri Dövlət Komitəsinin sədrinin müavini vəzifəsinə təyin edilmişdir. Azərbaycan Respublikası Prezidentinin 13 may 2020-ci il tarixli Sərəncamı ilə İqtisadiyyat Nazirliyi yanında Əmlak Məsələləri Dövlət Xidmətinin rəisinin müavini vəzifəsinə təyin edilmişdir. Hər iki vəzifəli şəxs Cəlilabad rayonundandır.
Bu haqqında bəhs edəcəyimiz şəxslərlə bağlı qısa məlumat. İndi isə keçək onların əməllərinə. Birincisi onu qeyd edək ki, bu illər ərzində 50 minə yaxın kiçik dövlət müəssisə və obyekti özəlləşdirlib. Əgər Rüstəm Şahbazov bu obyektlərin hərəsindən ən azı 100 manat alsa…50000 x 100 = 5 MİLYON. Biz 100 manatı gülmək üçün yazdıq. Obyektlərin özəlləşdirilməsi çox baha başa gəlir.
İkincisi, çox ciddi məsələ odur ki, başqa media orqanlarında Rüstəm Şahbazova qarşı çox ciddi ittihamlar səsləndirilir. Hətta onun adı bəzi media qurumlarında QƏTL işində də keçir. Bu başqa bir yazının mövzusudur.
Deməli, Cəlilabad sakinlərinin mediaya yazdığından bəlli olur ki, bu adamın rayonda yüz hektarlarla üzüm və taxıl sahəsi var. Rüstəm Şahbazovun üzüm bağlarına və taxıl sahələrinə isə Cəlilabadda yaşayan qardaşı, Göytəpə şəhər Musiqi Məktəbinin direktoru Vüqar Şahbazov nəzarət edir. Bundan başqa Cəlilabadda Rüstəm Şahbazovun yaxın qohumu Sabir Ağayev də hektarlarla torpaqları zəbt edib.
Bir sözlə, Şahbazovlar rayonda istədikləri torpaq sahəsinə və obyektlərə Rüstəm Şahbazovun sayəsində ağalıq edirlər.
Məlumat üçün qeyd edək ki, Rüstəm Şahbazovun 2 övladı var. Hər ikisi xaricdə təhsil alıblar. Qızı Mərkəzi Bankda işləyir, oğlu isə plastik qapı-pəncərə şirkətini işlədir.
Cəlilabad sakinlərinin yazdığına görə, Rüstəm Şahbazovun qohumları o qədər həddini aşıb ki, onlar ali təhsilli müəlliməni, üç qız və bir oğlan anasını intihar həddinə çatdırıb….
İndi isə keçək Qənbərov Yusif Bəybala oğlunun əməllərinə. Azərbaycan Respublikası Əmlak Məsələləri Dövlət Komitəsinin yerli qurumlarla iş şöbəsinin müdiri olan Yusif Qənbərovun da 2 oğlu var. Cəlilabadın Üçtəpə kəndində Yusif Qənbərovun böyük bir balıq vətəgəsi var. Sonra Yusifin Alatavanın girəcəyində avtomobil təmiri sexləri var.
Qısaca onu qeyd edək ki, Yusif Qənbərov dövlət sifarişli layihələr üzrə o qədər insanların evini uçurdub ki…Bu başqa bir yazının mövzusudur.
Sonda özünü Rüstəm Şahbazovun qohumları kimi qələmə verən bəzi şəxslərə deyirik ki, birdən bilməzsən başını bizim dəyənəyə sürtərsən haa…
Və onu da bildirək ki, İldırım əməlli-başlı çaxmaqdadır haa… Amma İldırım nə üçün Rüstəm Şahbazova və Yusif Qənbvərova qarşı çaxmır..?
Bəlkə ortada daha ciddi “iki” söhbəti var..? Bu barədə növbəti yazıda. Bizi izləyin.
P.S. Deyirlər, Yusif Qənbərovun sürücüsü, Gülya xanımın qızının həyat yoldaşıdır? Gündəlik Bakı
