Dneprə PUA hücumu: “NATO zabitlərinin məhv edilməsi”...
Aprelin 16-da axşam saatlarında rus qoşunları Ukraynanın Dnepr şəhərinə PUA ilə hücum edib.
Axar.az xəbər verir ki, bu barədə Dnepropetrovsk Vilayət Dövlət Administrasiyasının sədri Sergey Lısak məlumat verib.
"Dneprdə PUA-nın hücumu nəticəsində bir neçə yanğın baş verib. Yaşayış binalarına ziyan dəyib. İlkin məlumata görə, iki uşaq yaralanıb", - o yazıb.
Lısak bundan əlavə qeyd edib:
"Rus dünyası" fəaliyyətdədir. Tezliklə düşmənin ictimai səhifələrində “NATO zabitlərinin məhv edilməsi” ilə bağlı daha bir şayiə yayılacaq. Faktiki olaraq Dneprdə dinc əhaliyə qarşı növbəti dəfə terror var. Dağılmış evlər, təhsil və mədəniyyət müəssisələri, zədələnmiş avtomobillər. Sadə vətəndaşlar, xüsusən də uşaqlar qorxur”.
