Ermənistanda hərbçisi itkin düşüb
Döyüş mövqeyindən daimi dislokasiya yerinə qayıdan Ermənistan Silahlı Qüvvələrinin hərbçisi ilə əlaqə kəsilib.
Bizimyol.info xəbər verir ki, bu barədə Ermənistan Müdafiə Nazirliyinin mətbuat xidməti xəbər verib."Yanvarın 13-də əlverişsiz hava şəraitində döyüş mövqeyindən daimi dislokasiya məntəqəsinə gedən yolda hərbi qulluqçu B.M. ilə əlaqə kəsilib.
Başlanmış axtarışlar qar tufanı və dumana baxmayaraq davam edir", - deyə mesajda qeyd edilir.
Nazirlik bildirir ki, hərbçinin tapılması üçün bütün lazımi tədbirlər görülür.