XALQ HƏKİMİNİN ÖMÜR YOLU

XALQ HƏKİMİNİN ÖMÜR YOLU

Eldar Bayramovun 71 illiyinə ithaf

Bəzən insanın adı diplomlarla, titullarla, vəzifələrlə deyil, insanların yaddaşında qazandığı yer ilə ölçülür.

Elə adamlar var ki, onların haqqında danışanda heç kəs əvvəlcə vəzifəsini xatırlamır. Heç elmi dərəcələrini də sadalamır. İnsanlar sadəcə bir söz deyirlər:

— O, yaxşı adamdır...

Bu ifadə bəzən yüz ordenin, yüz fəxri adın ifadə edə bilmədiyini ifadə edir.

Şirvan bölgəsində, Ağsuda, Kürdəmirdə, Göyçayda, İsmayıllıda, Hacıqabulda, Ucarda, Sabirabadda, Salyanda və Azərbaycanın müxtəlif bölgələrində minlərlə insanın yaddaşında belə qalan adamlardan biri də cərrah Eldar Bayramovdur.

Bu gün onun 71 yaşı tamam olur.

Yetmiş bir il...

Bir insan ömrü.

Bu ömrün böyük hissəsi xəstəxanaların divarları arasında, əməliyyat otaqlarının işığında, insanların ağrıları və ümidləri arasında keçib.

Bu gün onu sadəcə doğum günü münasibətilə təbrik etmək yox, həm də keçdiyi həyat yoluna nəzər salmaq üçün yaxşı fürsətdir.

Çünki bəzi ömürlər təkcə yaşanmır.

Bəzi ömürlər tarixə çevrilir.

1955-ci ildə Ağsuda dünyaya göz açan Eldar Bayramovun uşaqlıq illəri müharibədən sonrakı Azərbaycanın zəhmət və quruculuq dövrünə təsadüf edirdi.

O vaxtlar həyat bugünkü qədər rahat deyildi.

Kəndlərdə yollar çətin keçilirdi.

Tibbi xidmət imkanları məhdud idi.

Bir çox hallarda həkim kənd adamı üçün sadəcə peşə sahibi yox, həyat xilaskarı sayılırdı.

Bəlkə də elə buna görə hələ gənc yaşlarından Eldarın qəlbində insanlara kömək etmək arzusu yaranmışdı.

Həyat onu sonralar minlərlə insanın taleyində iz qoyacaq bir peşəyə aparırdı.

O zaman heç kəs bilmirdi ki, Ağsunun bu sakit, təvazökar gənci gələcəkdə bölgənin ən məşhur cərrahlarından birinə çevriləcək.

1972-ci ildə Azərbaycan Tibb İnstitutuna qəbul olunanda qarşısında uzun və çətin yol dayanırdı.

Həkim olmaq sadəcə peşə seçmək deyildi.

Bu, taleyə verilən and idi.

İnsan ağrısına cavabdeh olmaq idi.

İnsan taleyinə toxunmaq idi.

Tələbəlik illərində Eldar Bayramov təkcə dərslərdə deyil, institutun ictimai həyatında da fəal iştirak edirdi.

Onun liderlik keyfiyyətləri həmin illərdə özünü göstərməyə başlamışdı.

Azərbaycan Tibb İnstitutu Tələbə Həmkarlar Təşkilatının sədri seçilməsi təsadüfi deyildi.

Bu vəzifəyə adətən yalnız etimad qazana bilən insanlar seçilirdi.

Etimad isə həmişə insanın xarakterindən başlayır.

1979-cu ildə institutu fərqlənmə diplomu ilə bitirən gənc həkimin qarşısında müxtəlif seçimlər vardı.

O, Bakıda qala bilərdi.

Mərkəzi klinikalarda işləyə bilərdi.

Elmi fəaliyyətlə məşğul ola bilərdi.

Lakin o, doğma bölgəsinə qayıtmağı seçdi.

Bu seçim sonrakı onilliklərdə minlərlə insanın həyatını dəyişəcəkdi.

Ağsu Rayon Mərkəzi Xəstəxanasında başlayan fəaliyyət sadəcə iş yeri deyildi.

Bu, bir ömrün missiyasına çevrildi.

Yaşlı insanlar indi də həmin illəri xatırlayırlar.

Şirvan bölgəsində bir söz vardı:

— Ağır xəstə varsa, Eldar həkimə göstərin.

Bu söz təsadüfən yaranmamışdı.

İllər keçdikcə insanların ona olan etibarı artırdı.

Çünki o, xəstəyə yalnız tibbi hadisə kimi baxmırdı.

Onun üçün hər xəstə bir insan taleyi idi.

Bir ailənin ümidi idi.

Bir ananın övladı idi.

Bir uşağın atası idi.

Bir qızın anası idi.

Bu hissiyyat isə hər cərraha nəsib olmur.

Cərrahiyyə tibb elminin ən ağır sahələrindən biridir.

Burada səhv etmək haqqı çox azdır.

Bəzən saniyələr insan ömrünü müəyyən edir.

Bəzən bir qərar həyatla ölüm arasındakı sərhədi müəyyənləşdirir.

Bu peşə yalnız bilik deyil.

Dəmir iradə tələb edir.

Məsuliyyət tələb edir.

Vicdan tələb edir.

Eldar Bayramov məhz bu xüsusiyyətləri ilə seçilən həkimlərdən olub.

Onun haqqında danışan həmkarları ilk növbədə peşəkarlığını yox, məsuliyyət hissini vurğulayırlar.

Çünki peşəkarlıq öyrənilə bilər.

Vicdan isə öyrədilmir.

1980-ci illərdə Xarkovda, daha sonra Moskvada SSRİ Tibb Elmləri Akademiyasının Cərrahiyyə Mərkəzində keçdiyi təhsil onun həyatında yeni mərhələ açdı.

Moskva həmin dövrdə sovet məkanının ən böyük tibbi məktəblərindən biri idi.

Orada əldə olunan təcrübə sonralar Ağsunun, Şirvanın, bütövlükdə region səhiyyəsinin inkişafına xidmət etdi.

Böyük şəhərlərdə öyrəndiklərini rayon xəstəxanasına gətirmək hər adamın bacardığı iş deyildi.

Lakin Eldar Bayramov bunu bacardı.

O, öyrəndiyi hər yeniliyi bölgə insanının xidmətinə verməyə çalışdı.

Əslində onun şöhrətinin sirri də burada gizlənir.

Böyük həkim olmaq çətin deyil.

Böyük şəhərdə böyük həkim olmaq da mümkündür.

Amma rayon xəstəxanasında çalışaraq xalqın sevgisini qazanmaq tamam başqa məsələdir.

Bu sevgi reklamla qazanılmır.

Bu sevgi televiziya çıxışları ilə qazanılmır.

Bu sevgi insanların duası ilə qazanılır.

Əməliyyat otağının qapısı qarşısında gözləyən anaların duaları ilə qazanılır.

Sağalmış xəstələrin minnətdarlığı ilə qazanılır.

İllər sonra küçədə qarşılaşdığın insanların sənə təşəkkür etməsi ilə qazanılır.

Eldar Bayramov məhz belə bir sevgi qazanıb.

Bu gün Şirvan bölgəsində onun adını eşitməyən adam tapmaq çətindir.

Bəzən şöhrət insanı dəyişir.

Amma xalqın sevgisini qazanan insanlar adətən dəyişmirlər.

Onlar sadə qalırlar.

Çünki bilirlər ki, insanın böyüklüyü vəzifəsində yox, davranışındadır.

Eldar həkimi tanıyanların çoxu onun haqqında eyni fikri söyləyir:

— Nə qədər tanınsa da, sadəliyini itirməyib.

Bəlkə də xalq sevgisinin əsas səbəblərindən biri də budur.

1990-cı ildə xalq ona daha bir etimad göstərdi.

Azərbaycan Respublikası Ali Sovetinə, sonralar Milli Məclisə deputat seçildi.

Bu, ölkənin ən mürəkkəb dövrlərindən idi.

Müstəqillik uğrunda mübarizə gedirdi.

Azərbaycan böyük sınaqlarla üz-üzə idi.

Belə bir zamanda parlamentdə təmsil olunmaq böyük məsuliyyət tələb edirdi.

Lakin deputat mandatı da onun əsas kimliyini dəyişmədi.

İnsanlar onu yenə də "Eldar həkim" kimi tanıyırdılar.

Çünki bəzi insanlar üçün peşə sadəcə iş deyil.

Kimlikdir.

Missiyadır.

Taleyin özüdür.

2009-cu ildə Ağsu Rayon Mərkəzi Xəstəxanasında laparoskopik əməliyyatların tətbiqi region səhiyyəsində yeni mərhələ oldu.

Bu gün adi görünən bu əməliyyatlar o vaxt böyük yenilik sayılırdı.

Bir çox xəstələr artıq Bakıya getmədən müasir tibbi yardım ala bilirdilər.

Bu isə minlərlə ailənin həyatına rahatlıq gətirdi.

Əslində böyük xidmət həmişə görünən olmur.

Bəzən bir insanın gördüyü işin əhəmiyyətini yalnız illər keçəndən sonra anlayırlar.

Bu gün Eldar Bayramovun 71 yaşı tamam olur.

Yetmiş bir yaş...

Arxada minlərlə əməliyyat.

Minlərlə sağalmış insan.

Minlərlə dua.

Minlərlə təşəkkür.

Bir insan ömrünün bundan böyük sərvəti varmı?

Bəlkə də yoxdur.

Çünki hər kəs var-dövlət toplaya bilər.

Hər kəs vəzifə sahibi ola bilər.

Amma hər kəs xalqın sevgisini qazana bilmir.

Bu sevgi isə nə satılır, nə alınır.

Bu sevgi ömür boyu qazanılır.

Bu gün doğum günündə Eldar həkimə ən səmimi arzularımızı çatdırırıq.

Qoy Allah ona uzun ömür, möhkəm cansağlığı, ailə səadəti və yeni uğurlar nəsib etsin.

Qoy onun şəfa verdiyi insanların duaları daim yoluna işıq salsın.

Qoy əməliyyat otaqlarında qoruduğu həyatların nuru öz həyatını da aydınlandırsın.

Çünki Eldar Bayramov çoxları üçün sadəcə həkim deyil.

O, illər boyu xalqın etimadını qazanan, bu etimadı qoruyub saxlayan, sözün həqiqi mənasında Xalq Həkimidir

II Hissə

Əməliyyat otağının işığında keçən ömür

Həkimlər haqqında yazmaq çətindir.

Çünki onların həyatının ən böyük hissəsi görünmür.

Yazıçı yazdığını göstərir.

Rəssam çəkdiyini nümayiş etdirir.

Memar tikdiyi binanı insanlara təqdim edir.

Amma həkimin yaratdığı əsər görünmür.

Onun əsəri insanın sinəsində yenidən döyünən ürəkdir.

Onun əsəri ölümdən geri qaytarılmış ömürdür.

Onun əsəri bir ananın üzünə qayıdan təbəssümdür.

Onun əsəri bir uşağın yenidən həyətə qaçmasıdır.

Bəlkə də buna görə həkimlərin ən böyük mükafatı ordenlər yox, insanların duasıdır.

Eldar Bayramov da ömrünün böyük hissəsini məhz belə görünməyən əsərlər yaratmağa sərf edib.

Şirvan düzünün insanları onu çox yaxşı tanıyırlar.

Çünki onlar Eldar həkimi yalnız ağ xalatda görməyiblər.

Onu gecənin yarısında təcili çağırışa gedərkən görüblər.

Onu qarın, yağışın, tufanın içində xəstəxanaya tələsərkən görüblər.

Onu yorğun olsa belə əməliyyat masasının başından ayrılmayan vaxtlarda görüblər.

Bu gün müasir tibbin imkanları genişdir.

Ancaq Eldar Bayramovun peşəyə başladığı illərdə vəziyyət tam başqa idi.

Bəzən elektrik enerjisi problem yaradırdı.

Bəzən tibbi avadanlıq çatışmırdı.

Bəzən dərman tapmaq müşkülə çevrilirdi.

Lakin bir şey heç vaxt çatışmırdı.

Həkimin iradəsi.

Onun peşəsinə sədaqəti.

Onun məsuliyyəti.

Yaşlı ağsulular indi də həmin dövrü xatırlayırlar.

Kiminsə öd kisəsi partlayıb.

Kiminsə bağırsağı düyünlənib.

Kiminsə daxili qanaxması başlayıb.

Ailə üzvləri təşviş içində xəstəxanaya qaçıblar.

Və çox vaxt eyni söz eşidilib:

— Eldar həkim gəlib?

Bu sualın özü onun xalq arasında qazandığı etimadın göstəricisi idi.

Çünki etimad heç vaxt birdən yaranmır.

O, illərlə qurulur.

Hər uğurlu əməliyyatla.

Hər xilas edilən insanla.

Hər verilən düzgün qərarla.

Bir həkimin şöhrətini bəzən onun diplomları yox, insanlar arasında dolaşan hekayələr yaradır.

Bu hekayələrin əksəriyyəti heç vaxt qəzetlərdə yazılmır.

Heç bir statistik hesabatda görünmür.

Amma xalq yaddaşında yaşayır.

Kimsə danışır ki, artıq ümid kəsilmişdi, Eldar həkim xəstəni xilas etdi.

Başqası deyir ki, gecəyarısı əməliyyata girdi və səhərə qədər xəstənin başı üstündən ayrılmadı.

Digəri xatırlayır ki, kasıb ailənin vəziyyətini görüb onların qayğısına qaldı.

Belə hekayələr zamanla böyüyərək insan haqqında xalq rəvayətinə çevrilir.

Eldar Bayramovun adı ətrafında yaranan hörmət də məhz belə formalaşıb.

Əslində xalqın verdiyi adlar dövlətin verdiyi adlardan daha çətindir.

Dövlət sənə fəxri fərman təqdim edə bilər.

Orden verə bilər.

Titul verə bilər.

Amma xalqın verdiyi adı yalnız xalqın özü verir.

Onu almaq üçün uzun illər lazımdır.

Səmimiyyət lazımdır.

Vicdan lazımdır.

Ən əsası isə insanlara xidmət etmək lazımdır.

Eldar Bayramovun çoxdan qazandığı "xalq həkimi" adı da məhz belə yaranıb.

Bu ad heç bir sərəncamda yazılmayıb.

Bu ad insanların qəlbində yazılıb.

Bir gün Ağsuda yaşlı bir kişinin dediyi sözlər yadıma düşür.

O demişdi:

— Həkim var peşəsini işləyir, həkim də var taleyini yaşayır.

Eldar həkim ikinci adamlardandır.

Bu sadə cümlə böyük bir həyatın xülasəsi idi.

Çünki o, həkimliyi sadəcə maaş aldığı iş kimi qəbul etməmişdi.

Onun üçün cərrahiyyə həyat tərzi idi.

Düşüncə idi.

Məsuliyyət idi.

Moskvada keçdiyi illər onun peşəkar dünyagörüşünü zənginləşdirmişdi.

SSRİ Tibb Elmləri Akademiyasının Cərrahiyyə Mərkəzi o dövrün ən qabaqcıl tibbi müəssisələrindən sayılırdı.

Burada dünyanın müxtəlif yerlərindən gələn mütəxəssislərlə təmasda olurdu.

Yeni texnologiyalar öyrənirdi.

Yeni metodlarla tanış olurdu.

Lakin onun ən böyük üstünlüyü öyrəndiklərini özü üçün saxlamaması idi.

Bir çox insanlar əldə etdikləri biliyi şəxsi üstünlüyə çevirirlər.

Eldar Bayramov isə həmin bilikləri bölgə səhiyyəsinin inkişafına sərf etdi.

Məhz buna görə onun fəaliyyəti yalnız fərdi uğur kimi qiymətləndirilə bilməz.

Bu fəaliyyət bütöv bir regionun tibbi inkişaf tarixinin tərkib hissəsidir.

Bu gün Şirvan bölgəsində çalışan bir çox həkimlər peşəkar formalaşmalarında Eldar Bayramovun rolunu xüsusi vurğulayırlar.

Kimisi ondan əməliyyat texnikası öyrənib.

Kimisi xəstə ilə davranmağı.

Kimisi isə sadəcə insan olmağı.

Çünki tibbdə ən vacib dərslər həmişə kitablarda yazılmır.

Bəzən onlar müəllimin davranışında gizlənir.

2009-cu ildə Ağsuda laparoskopik əməliyyatların tətbiqi sadəcə tibbi yenilik deyildi.

Bu, bölgənin tibbi imkanlarının dəyişməsi demək idi.

Əvvəllər xəstələr Bakıya üz tuturdular.

Uzun yollar qət edirdilər.

Maddi çətinlik çəkirdilər.

Ailə üzvləri günlərlə şəhərdə qalmağa məcbur olurdu.

Laparoskopik cərrahiyyənin tətbiqi isə vəziyyəti dəyişdi.

Müasir tibb bölgənin qapısını döydü.

Bu yeniliyin arxasında isə yenə də Eldar Bayramovun zəhməti dayanırdı.

Həyatın qəribə qanunları var.

İnsan gənclikdə şöhrət arzulayır.

Yaş ötdükcə isə anlayır ki, şöhrətdən daha vacib şeylər var.

Etibar.

Hörmət.

Xeyir-dua.

Eldar Bayramovun qazandığı sərvət də məhz budur.

Bu gün onun haqqında danışan insanların gözlərində bunu görmək mümkündür.

Onlar məşhur bir cərrahdan danışmırlar.

Onlar öz doğmalarını xilas etmiş bir insandan danışırlar.

Yetmiş bir yaş...

Bu yaşa çatanda insan artıq geriyə baxır.

Keçdiyi yolları xatırlayır.

İtirdiklərini düşünür.

Qazandıqlarını ölçür.

Əgər Eldar həkim bu gün ömrünün yoluna nəzər salsa, yəqin ki, ən böyük qazancını bank hesablarında yox, insanların yaddaşında görər.

Çünki əsl zənginlik budur.

Səndən sonra da insanların səni xatırlaması.

Sənin haqqında yaxşı danışması.

Sənin adını hörmətlə çəkməsi.

Bir gün əməliyyat otaqlarının işıqları sönəcək.

Bir gün ağ xalat qarderobdan asılacaq.

Bir gün insan ömrü tamamlanacaq.

Bu, həyatın dəyişməz qanunudur.

Amma yaxşı insanların izi qalır.

Onların xatirəsi yaşayır.

Onların gördüyü işlər yaşayır.

Onların yetişdirdiyi insanlar yaşayır.

Bu gün Eldar Bayramovun həyatına baxanda aydın görünür ki, o, sadəcə xəstələri müalicə etməyib.

O, etimad yaradıb.

Ümid yaradıb.

Mərhəmət məktəbi yaradıb.

Və bu məktəbin məzunları minlərlə insandır.

Bu gün, 71 yaşının tamam olduğu gündə, Şirvan düzünün kəndlərindən şəhərlərinə qədər minlərlə insanın ürəyindən eyni dua keçir:

Qoy Allah Eldar həkimə uzun ömür versin.

Qoy onun şəfa əlləri yorulmasın.

Qoy həyatını insanlara həsr etmiş bu dəyərli insan həmişə sevdiklərinin əhatəsində olsun.

Çünki bəzi adamlar yalnız ailələrinin yox, bütöv bir bölgənin doğmasına çevrilirlər.

Eldar Bayramov da həmin adamlardandır.

O, sadəcə Ağsunun yetişdirdiyi bir cərrah deyil.

O, Şirvanın yaddaşına çevrilmiş insanlardan biridir.

Və insan ömrünün ən böyük uğuru da bəlkə elə budur.

III Hissə

Deputat mandatından üstün tutulan ağ xalat

Eldar Bayramovun həyat yolunda diqqəti cəlb edən məqamlardan biri də onun fəaliyyətinin yalnız tibb sahəsi ilə məhdudlaşmamasıdır. O, həyatının müəyyən bir dövründə ölkənin ictimai-siyasi həyatında da fəal iştirak etmiş, Azərbaycanın ən mürəkkəb və taleyüklü mərhələlərindən birində xalqın etimadını qazanaraq qanunverici orqanda təmsil olunmuşdur.

1990-cı ildə xalq ona daha bir məsuliyyət verdi.

Bu dəfə əməliyyat otağının deyil, parlament tribunasının məsuliyyəti.

Bu dəfə insan sağlamlığı ilə yanaşı, dövlətin taleyi ilə bağlı qərarların müzakirəsində iştirak etmək vəzifəsi.

1990–1995-ci illərdə Azərbaycan Respublikası Milli Məclisinin deputatı kimi fəaliyyət göstərən Eldar Bayramov ölkənin ən mürəkkəb tarixi mərhələlərinin canlı şahidlərindən biri oldu.

Bu illər Azərbaycanın istiqlal uğrunda mübarizə apardığı, dövlətçiliyin əsaslarının formalaşdırıldığı, müstəqil qanunvericilik sisteminin qurulduğu illər idi.

Ölkənin gələcəyini müəyyən edən mühüm qanun layihələri hazırlanır, qızğın müzakirələr keçirilirdi.

Eldar Bayramov da həmin proseslərin iştirakçılarından biri idi.

Lakin maraqlıdır ki, o dövrü xatırlayan insanlar onun deputat olmasını deyil, yenə də həkim olmasını daha çox yada salırlar.

Çünki mandat onun peşəsini dəyişməmişdi.

Əksinə, o, parlamentdə də həkim düşüncəsi ilə qalırdı.

İnsan taleyinə biganə qalmayan, problemlərə humanist yanaşan bir insan kimi.

Deputatlıq onun həyatının mühüm səhifələrindən biri olsa da, Eldar Bayramovun əsas missiyası yenə də insan sağlamlığına xidmət etmək idi.

Parlament fəaliyyəti başa çatdıqdan sonra o, yenidən doğma peşəsinə qayıtdı.

Yenidən xəstəxanaya.

Yenidən əməliyyat otağına.

Yenidən insan ağrıları ilə üz-üzə.

Bu seçim onun xarakterini ən yaxşı ifadə edən məqamlardan biridir.

Çünki bəzi insanlar vəzifədən peşəyə qayıdırlar.

Bəzi insanlar isə peşədən heç vaxt ayrılmırlar.

Əslində Eldar Bayramovun həyat fəlsəfəsini anlamaq üçün onun Ağsuya bağlılığına baxmaq kifayətdir.

Moskva kimi nəhəng bir elmi məktəbdə təhsil almışdı.

Xarkovda ixtisaslaşmışdı.

Türkiyədə, Dubayda beynəlxalq tədbirlərdə iştirak etmişdi.

İstəsəydi, fəaliyyətini paytaxtda və ya başqa böyük mərkəzlərdə qura bilərdi.

Lakin o, biliklərini və təcrübəsini ilk növbədə doğma bölgəsinin insanlarına xidmətə yönəltdi.

Bu, sadəcə peşə seçimi deyildi.

Bu, vətənə sədaqətin ifadəsi idi.

Çünki vətənə xidmət yalnız silahla olmur.

Bəzən bir cərrahın skalpeli də vətənə xidmət vasitəsinə çevrilir.

Bəzən bir həkimin əməliyyat masası önündə keçirdiyi gecələr də vətənə xidmət hesab olunur.

Eldar Bayramovun ömrü məhz belə xidmət nümunələrindən ibarətdir.

2000-ci ildə cərrahiyyə şöbəsinin müdiri vəzifəsinə təyin olunması təsadüfi deyildi.

Bu, illərlə qazanılmış peşəkar nüfuzun və təşkilatçılıq bacarığının nəticəsi idi.

O dövrdə Ağsu Rayon Mərkəzi Xəstəxanasının cərrahiyyə xidmətinin inkişaf etdirilməsi qarşıda duran əsas vəzifələrdən biri idi.

Yeni tibbi yanaşmaların tətbiqi, gənc kadrların hazırlanması, şöbənin müasir tələblərə uyğunlaşdırılması böyük zəhmət tələb edirdi.

Eldar Bayramov bu yükü öz üzərinə götürdü.

O, yalnız əməliyyat edən həkim kimi deyil, həm də səhiyyə təşkilatçısı kimi fəaliyyət göstərdi.

Çox vaxt insanların diqqətindən yayınan məqam da budur.

Yaxşı cərrah olmaq başqa məsələdir.

Bütöv bir tibbi kollektivin inkişafına rəhbərlik etmək isə tamam başqa məsələ.

Bu, uzaqgörənlik tələb edir.

İdarəçilik bacarığı tələb edir.

İnsanlarla işləmək mədəniyyəti tələb edir.

İllər keçdikcə dünya tibbi sürətlə dəyişirdi.

Yeni texnologiyalar meydana çıxırdı.

Əməliyyat üsulları yenilənirdi.

Tibb elmi yeni mərhələyə qədəm qoyurdu.

Eldar Bayramov isə yeniliklərin arxasınca gedən deyil, onları bölgəyə gətirən həkimlərdən biri oldu.

2011-ci ildə İstanbulda keçirilən endoskopik və laparoskopik cərrahiyyə konqresində iştirakı, müxtəlif treninqlərdə qazandığı təcrübə bunun bariz nümunəsidir.

O, yaşının və təcrübəsinin çoxluğuna baxmayaraq, öyrənməkdən vaz keçmirdi.

Bu xüsusiyyət böyük alimlərin, böyük həkimlərin ortaq cəhətidir.

Onlar heç vaxt "mən artıq hər şeyi bilirəm" demirlər.

Əksinə, nə qədər öyrənsələr də, elm qarşısında təvazökar qalırlar.

2009-cu ildən etibarən Ağsu Rayon Mərkəzi Xəstəxanasında laparoskopik əməliyyatların həyata keçirilməsi region səhiyyəsinin tarixində xüsusi mərhələ təşkil edir.

Bu hadisənin əhəmiyyətini anlamaq üçün həmin dövrün reallıqlarını xatırlamaq lazımdır.

O zaman belə əməliyyatlar əsasən iri şəhərlərdə və ixtisaslaşmış klinikalarda aparılırdı.

Regionlarda bu texnologiyanın tətbiqi nadir hadisə hesab olunurdu.

Lakin Eldar Bayramov və onun rəhbərlik etdiyi kollektiv bu stereotipi dəyişdi.

Ağsuda müasir cərrahiyyənin yeni səhifəsi açıldı.

Qaraciyər, öd yolları və qarın boşluğu orqanları üzərində yüzlərlə, sonralar isə minlərlə laparoskopik əməliyyat həyata keçirildi.

Bu rəqəmlər sadəcə statistika deyil.

Bu rəqəmlərin arxasında minlərlə insan taleyi dayanır.

Vaxtında sağalan insanlar.

Ailəsinə qovuşan insanlar.

Əzabdan qurtulan insanlar.

Məhz buna görə hər uğurlu əməliyyat Eldar Bayramovun peşəkar bioqrafiyasında növbəti uğur kimi yox, növbəti xilas olunmuş həyat kimi qiymətləndirilməlidir.

2017-ci ildə Dubayda keçirilən beynəlxalq səhiyyə sərgisində iştirakı da onun peşəkar dünyagörüşünün genişliyindən xəbər verir.

Bu tədbirlər yalnız yeni avadanlıqlarla tanışlıq məqsədi daşımırdı.

Burada dünyanın müxtəlif ölkələrindən olan mütəxəssislər təcrübə mübadiləsi aparır, səhiyyənin gələcəyini müzakirə edirdilər.

Eldar Bayramov belə platformalarda iştirak etməklə göstərirdi ki, əsl həkim üçün öyrənmək prosesinin sonu yoxdur.

Bu gün də yoxdur.

Sabah da olmayacaq.

Onun həyat yoluna baxdıqca bir həqiqət daha aydın görünür.

Eldar Bayramov heç vaxt şöhrətin arxasınca qaçmayıb.

Şöhrət onun arxasınca gəlib.

Çünki həqiqi nüfuz süni şəkildə yaradılmır.

O, illərlə görülən işlərin nəticəsində formalaşır.

Şirvan bölgəsində bu gün Eldar həkimin adının xüsusi hörmətlə çəkilməsi də məhz bunun nəticəsidir.

Onun şöhrətini reklamlar yaratmayıb.

Onun şöhrətini minlərlə xəstənin minnətdarlığı yaradıb.

Onun nüfuzunu vəzifələr yox, insanlara xidmət formalaşdırıb.

Bu isə ən möhkəm nüfuzdur.

Ən davamlı şöhrətdir.

Çünki o, insanların qəlbində yaşayır.

Bu gün Eldar Bayramov fəaliyyətini Bakıda davam etdirir.

İllərin təcrübəsi, minlərlə əməliyyatın qazandırdığı peşəkar ustalıq və həyat məktəbinin formalaşdırdığı müdriklik onunla birlikdə paytaxta gəlib.

Lakin harada işləməsindən asılı olmayaraq, onun adı ilk növbədə Ağsu ilə, Şirvan bölgəsi ilə bağlı çəkilir.

Çünki bəzi insanlar doğulduqları torpağın tərcümeyi-halına çevrilirlər.

Eldar Bayramov da həmin insanlardandır.

Onun həyatı təkcə bir həkimin bioqrafiyası deyil.

Bu, Azərbaycan region səhiyyəsinin son yarım əsrlik inkişaf tarixinin bir hissəsidir.

Bu, insanların etimadını qazanan bir ömrün tarixidir.

Bu, ağ xalatın məsuliyyətini sonadək daşıyan bir insanın tarixidir.

Və ən əsası, bu, xalqın öz həkiminə olan sevgisinin tarixidir.

(ardı var)