Dərs ili haçan başlasın? (Sorğunun nəticələri)
2004-cü ildən Azərbaycanda dərs ili sentyabrın 15-dən başlayır.
Əvvəlki varianta qayıtmaq – dərs ilinə sentyabrın 1-də start vermək çağırışlarını nəzərə alan vətəndaş cəmiyyəti eksperti Samir Əliyev 21-23 iyunda özünün sosial şəbəkə hesablarında sorğu keçirib. Novator.az-ın məlumatına görə, ekspert yazır ki, sorğuya 714 nəfər qatılıb:
“Sorğu iştirakçılarının 65%-i özünü valideyn, 7%-i şagird, 4%-i tələbə kimi təqdim edib. Respondentlərin 24%-i digər qruplara aid olub.
Sorğuya qatılanların 62,7%-i dərs ilinin sentyabrın 1-də başlamasına tərəfdar çıxıb, 27,7%-i indiki tarixi (15 sentyabr) məqbul sayıb, 9%-i tarixin önəm daşımadığını bildirib, 0,6%-i sualı cavabsız qoyub”.
){kind=link}