Kecmiş idarə rəisi Əfqan Qəribov ondan şikayətci olan iş adamını İTTİHAM ETDİ - CABAB GECİKMƏDİ...
Şamaxı Regional Meşə Təsərrüfatı Birliyinin keçmiş rəisi Əfqan Qəribov QAYNAR.MEDİA-ya müraciət edərək bildirib ki, "Şöhlətoğlu" istirahət mərkəzinin sahibi Gülməmmədov Novruz Şöhlət oğlu qanunsuz Dövlət meşə fondunun 6 ha sahəsini zəbt edib, ərazidəki ağacları kısib yandıraraq göllər düzəldib.Məhkəmənin həmin ərazinun sökülməsi və ərazinin boşaldılması barəsində qətnaməsi olsa da obyekt bu gün də fəaliyyət göstərir. Zəbt etdiyi ərazidə ağacları kəsdiyinə görə Mərkəzin əməkdaşları ona cərimə yazdığına görə ünvanıma şər- böhtan danışdıgını deyən keçmiş rəisin ittiham etdiyi "Şöhlətoğlu" İstirahət Mərkəzinin sahibi Novruz Gülməmmədov onun ittihamlarına cavab verib.
-"Əvvəla onu deyim ki, o məhkəmə qərarı köhnədən olan məsələdi, əgər o qərar qüvvədə saxlanılsaydı o yerləri yəqin ki, coxdan sökərdilər. Əfqan Qəribovun əməkdaşlarına yazdırdıgı o cəriməni isə Ekologya və Təbii Sərvətlər Nazirliyi qanunsuz sayaraq ləğv edib. Bu şəxsin ekologiyamıza vurduğu zərbələrin acısını hələ uzun zaman cəkəcəyik. Bu adam "öz gözündə tiri görmür, özgə gözündə qıl axtarır". Vəzifədə olanda yaxın dostu İsmayıllı rayon 6 saylı Regional Ekologiya və Təbii Sərvətlər idarəsinin rəisi Akif Məmmədovla əlbir olub sanki bölgə meşələrindən qisas alırdı. Nadir cöl heyvanlarını "ov biznesi"nə çevirmişdilər.
Əfqan Qəribov Xanmusa, Kamil və Ramin bir yerdə Qarabaga yardım adı ilə müəyyən hesablara qanunsuz cərimələr yazılmaqla biz sahibkarlara külli miqdarda ziyan vurublar. Bu işlərə birbaşa rəhbərlik edən Meşələrin İnkişafı Xidmətinin sabiq rəisi Namiq Xıdırovdur. Nazirliyin audit şöbəsinin hesablamasına görə 2 il ərzində Namiq Xıdırov müqavilə artırma, Qarabağa dəstək və ianə adı ilə ümumi hesablamaya görə 4.5 milyon manat dələduzluqla sahibkarlara və dövlət əmlakına ziyan vurub. Onun Oğuz və Quba rayonlarında hər birinin dəyəri 1-1.5 milyon manat olan villaları var. Sual olunur: Meşələrin İnkişafı Xidmətinin rəisi vəzifəsinin aylıq müvacibi nə qədərdir ki, Namiq Xıdırov "bogazına qənaət edib" bu obyektləri "ərəsəyə" gətirib?!
Meşədə qiymətli ağacları Akif Məmmədovun razılığı ilə Əfqan Qəribov kəsdirib və hər maşını 6 min manat məbləğində olmaqla satıblar. Akif Məmmədov İsmayıllı rayonuna gələndən sonra İsmayıllı-Şamaxı ərazisi "narkotika mənbəyi"nə çevrilib. Bu barədə video-görüntüləri, başqa faktları lazımı orqanlara təqdim etmişəm, Mənim şikayətimdən sonra Respublika Prokurorlugu Əfqan Qəribovun barəsində cinayət işi acıb. Hazırda İş Korrupsiyaya qarşı Mübarizə idarəsindədir. Əfqan Qəribov, Xanmusa, Kamil və Ramin haqqında cinayət İşi davam edir. Bunların başında duran, kənardan idarə edən Namiq Xıdırov da vəzifədən qovulub. Lakin bu binəvalar hələ də ümidlidirlər ki, Namiq Xıdırov yenidən vəzifəsinə qayıdacaq. Görün bunlar necə özbaşınalıq edirlər ki, İsmayıllı rayonunun Quşencə kəndində pul alıb bələdiyyə ərazisində ağac kəsməyə icazə veriblər.
Təxminən ilyarım olar ki, Muganlı - İsmayıllı yolu cəkilir. Əhalinin rahat gediş-gəlişində xüsusi əhəmiyyətə malik Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin yenidən qurulması istiqamətində işlər davam edir. Bu cox yaxşı. Ancaq yolun Kalvacay ərazisində nə baş verib? 6 saylı Regional Ekologiya və Təbii Sərvətlər idarəsinin rəisi Akif Məmmədov "Evrascon” şirkəti ilə birgə qəribə bir "yenilik" kəşf ediblər. Belə ki, yol tikintisində istifadə edilən torpaq tikinti ərazisinə maşınlarla daşınıb gətirilməli oldugu halda onlar dag yüksəkliyindən torpaq materialını sürüşdürmək yolu ilə əraziyə gətiriblər. Nəticədə eni təxminən 3 klometr meşə zolagı torpaq axıtması zamanı məhv olub. Təxminən müftə 750 min pul qazanmaq eşqi onları sevindirsə də, təbiətə baha başa gəlib, əsl meşə soyqımı yaşanıb. Bəs bu meşə qətliamının bədəlini Akif Məmmədovdan sorgulamayacaqlar?
Əfqan Qəribov İsmayıllı rayonunun Qalacıq kənd sakini Elvin Bədirov adlı bir şəxsi birliyə "sucu" vəzifəsinə işə götürüb və maaş kartın da qoyub cibinə. Sonradan nazirliyə şikayət etdiyimi bilib və kartı qaytarıb sahibinə. 6 saylı Regional Ekologiya və Təbii Sərvətlər idarəsinin rəis müavini Nərİman müəllimin sorgu-sualı zamanı Elvin ümumiyyətlə işlədiyi işin nədən ibarət oldugunu belə bilmədi. Təsəvvür edin 10 il bundan əvvəl birliyin balansında olan su matorları, nasoslar silinib., Ancaq Əfqan Qəribov olmayan nasos və matorları "işlətməyə" işci təyin edir?! Yüz hektarlarla meşələri qırıb talan edirlər bəs eləmir, yenə gözləri doymur, belə cirkin əməllərə də qol qoyurlar.
Əlimdə onlarla dəlil-subutu olan belə faktlar var, hansını deyim? Görünür, indi bu adamlar nəyə görəsə fəallaşıblar. Ya məni susdurmaq istəyirlər, ya da məsuliyyətdən yaxa qurtarmaq üçün öz əməllərini mənim ayağıma yazmağa çalışırlar. Amma məndə kifayət qədər faktlar var. Yeri gəlmişkən, bu faktlar Korrupsiyaya Qarşı Mübarizə İdarəsinə təqdim edilib.
Mən fürsətdən istifadə edib Prezident İlham Əliyevə və Baş prokuror Kamran Əliyevə müraciət edərək onlardan bu məsələni diqqətdə saxlanılmasına və cinayət işinin obyektiv araşdırılmasının təmin olunmasına yardımçı olmalarını xahiş edirəm."
