Məşhur rus astroloq: 2023-də nələr olacaq? - Proqnoz
Rusiyanın baş astroloqu Tamara Qloba 2023-cü il üçün proqnoz verib.
Kult.az xəbər verir ki, Tamara Qloba 1980-ci illərin yenidənqurmasını, 2010-cu ildə Rusiyada baş verən yanğınları, Birinci Çeçen müharibəsinin başladığı günü və 2018-ci ildə dünya çempionatının Rusiyada keçiriləcəyini proqnozlaşdıran məşhur astroloqdur.
O bildirib ki, Dovşan ili çətin, eniş-yoxuşlarla dolu olacaq. Ancaq narahatlıqlara baxmayaraq, cəsarət mükafatlandırılacaq və və öz ətrafında güclü və ahəngdar bir dünya qurmaq bacarığı zamanın təlatümünü dəf etməyə kömək edəcək.
Ekspert terror aktları olacağı ilə bağlı xəbərdarlıq edib:
“Burada terror aktları təhlükəsi, Yeni il ətrafında partlayış təhlükəsi var. Bu hadisələrlə bağlı hər şeydə diqqətli olmaq lazımdır. Əsas odur ki, bir-birinizlə danışıqlar aparın və bir-birinizi harada tapacağınızı bilin. Ayıq-sayıq olmaq çox vacibdir, çünki bu vəziyyət çox qısa olacaq.
Hərəkətə ciddi məhdudiyyətlər qoyulacaq, buna baxmayaraq, bütün dünyada miqrasiya çox şiddətlə artacaq”.
O bildirib ki, 2023-cü ilin birinci yarısında gediş-gəliş nisbətən asan olacaq, ikinci yarısında isə xüsusilə Rusiyadan çıxmaq, dövlətlər arasında gediş-gəliş çox çətinləşəcək:
“Gələn il İsrail özünü miqrasiyadan və lazımsız insanlardan fəal şəkildə müdafiə edəcək. Çin də sağ qalmaq üçün özünü qapayacaq.
Valyuta dalğalanmaları olacaq, 2023-cü ilin ikinci yarısında Rusiyada dollar ucuzlaşacaq.
Avropa qışda ən çətin günlərini yaşayacaq. İlin ortasında o, revanşa cəhd edəcək. Bu, Avropaya bərpa olunmağa imkan verəcək.
Almaniya danışıqlarda çox böyük rol oynayacaq. Və Avstriya da. Skandinaviya ölkələri ilin ikinci yarısında özlərini hiss etdirəcəklər”.
Ekspert deyib ki, 2023-cü ildə nüvə savaşı olmayacaq:
“Bununla belə, nüvə sızması münkündür.
Münaqişələrin diplomatik yolla həlli və sülh müqavilələrinin imzalanması ehtimalı ilin ortalarında - iyunda meydana çıxacaq. Belə bir məqam mart ayında da ola bilər. Amma bu, müvəqqəti atəşkəs olacaq.
Oktyabrın ortalarından bütün dünya əhəmiyyətli maddi çətinliklərlə üzləşəcək”.
Bu ilin “yaradıcılıq ili” olduğunu qeyd edən astroloq insanların ailə qurmağa və uşaq dünyaya gətirməyə həvəslənəcəyini də vurğulayıb.
