Ermənilərin 58 fazi Paşinyanın fəaliyyətindən narazıdır
Ermənistan sakinlərinin əksəriyyəti baş nazir Nikol Paşinyanın fəaliyyətini mənfi qiymətləndirir.
Publika.az xəbər verir ki, bu barədə “RİA Novosti” “Gallup” Beynəlxalq Assosiasiyasının respublikadakı nümayəndəliyi olan MPG-nin sorğusuna istinadən məlumat yayıb.
Araşdırmaya görə, respondentlərin 38%-i Ermənistan Nazirlər Kabinetinin rəhbərinin fəaliyyətini dəstəkləyir, respondentlərin 57,8%-i əks nöqteyi-nəzərdən çıxış edir.
Qeyd edilib ki, ermənilərin yalnız 23,2%-i Paşinyanın fəaliyyətini müsbət qiymətləndirir, respondentlərin 34,7%-i isə qəti şəkildə onu dəstəkləmir. Ermənistan Nazirlər Kabinetinin fəaliyyəti də əsasən mənfi reaksiyaya səbəb olub - respondentlərin 50,8%-i bəyənmir, 42%-i dəstəkləyir.
Eyni zamanda, ölkənin problemlərindən biri də iqtisadi vəziyyətdir. Belə ki, respondentlərin 12,6%-i bunu müsbət, 32,8%-i mənfi qiymətləndirsə də, ermənilərin əksəriyyəti bunu “orta” hesab edir – 53,9%.
