İranda silahlı hücumun təfərrüatı: 20 ölü, 40 yaralı
İranın Şiraz şəhərində silahlı şəxslərin atəş açması nəticəsində 9 nəfər ölüb, 10-u isə yaralanıb.
Axar.az xəbər verir ki, bu barədə İRNA agentliyi məlumat yayıb.
Hadisə ilə əlaqədar iki nəfərin saxlanıldığı bildirilib.
***
İranda terror aktı nəticəsində 15 nəfər ölüb, 40-a yaxın şəxs yaralanıb.
Bu barədə İran Ali Milli Təhlükəsizlik Şurası məlumat yayıb.
Bildirilib ki, ölənlərdən biri qadın, üçü isə uşaqdır.
Hücumun axşam namazına hazırlaşan insanları hədəf aldığı vurğulanıb. Belə ki, terrorçu ziyarətgaha giriş qapısından daxil olduqdan sonra ibadət edənlərə atəş açmağa başlayıb.
Qeyd edək ki, daha öncə 20 nəfərin öldüyü, 27-sinin isə yaralandığı xəbəri yayılmışdı.
***
Şiraz şəhərində yerləşən məqbərədə törədilən terror aktı zamanı ölənlərin sayı 20 nəfərə çatıb.
Bu barədə ölkənin hakimiyyət nümayəndələri məlumat verib.
