Nəsiman Yaqublu ilə vida mərasimi keçirildi – FOTOLAR
Ötən gün qəzaya düşərək vəfat edən tarixçi-professor, deputatlığa namizəd Nəsiman Yaqublu ilə vida mərasimi keçirilib.
Globalinfo.az “Report”a istinadən xəbər verir ki, vida mərasimi başa çatdıqdan sonra mərhumun nəşi Zabrat qəsəbəsində yerləşən qəbiristanlıqlardan birində dəfn olunmaq üçün yola salınacaq.
***12:17
Ötən gün qəzaya düşərək vəfat edən tarixçi-professor Nəsiman Yaqublu ilə vida mərasimi keçirilir.
Globalinfo.az xəbər verir ki, mərhumun evində baş tutan mərasimdə yaxınları, ictimaiyyət nümayəndələri, həmkarları iştirak edir.
Vida mərasimi başa çatdıqdan sonra mərhumun nəşi Zabrat qəbiristanlığında dəfn olunmaq üçün yola salınacaq.
Xatırladaq ki, Bakı Dövlət Universitetində müəllim işləyən Nəsiman Yaqublu tarixçi-professordur. O, Zəngilan-Qubadlı dairəsindən deputatlığa namizəd olub və Zəngilandan seçicilərlə görüşdən qayıdan zaman yol qəzasına düşüb.
***08:46
Professor Nəsiman Yaqublu bu gün Zabrat qəbiristanlığında dəfn olunacaq.
Globalinfo.az bildirir ki, bu barədə APA-ya mərhumun ailəsindən məlumat verilib.
Qeyd olunub ki, dəfn mərasimi saat 13:00-14:00 üçün nəzərdə tutulub.
Xatırladaq ki, Bakı Dövlət Universitetinin müəllimi, professor Nəsiman Yaqublu avqustun 25-də Cəbrayıl rayonu ərazisində yol qəzasında ölüb.
