"Dövlət çevrilişi etmək planım yoxdur" - Zurabişvili
"Gürcüstanda dövlət çevrilişi etmək planı yoxdur".
Teleqraf.com TASS-a istinadən xəbər verir ki, bunu ölkə prezidenti Salome Zurabişvili mətbuat konfransında deyib.
“Heç kim və ilk növbədə mən Gürcüstanda çevriliş etməyi planlaşdırmıram”, - Zurabişvili deyib.
Qeyd edək ki, bundan əvvəl Gürcüstan parlamentinin spikeri Şalva Papuaşvili jurnalistlərə bildirib ki, oktyabrın 26-da keçiriləcək parlament seçkilərindən sonra ölkədə dövlət çevrilişi hazırlayan qrup var.
Papuaşvili qeyd edib ki, dövlət çevrilişi daha əvvəl, 2020-ci ildə keçiriləcək parlament seçkilərindən sonra planlaşdırılıb. Onun sözlərinə görə, bu dəfə basqınçılar qeyri-hökumət təşkilatlarının monitorinqinin köməyi ilə ölkədə iğtişaşlar üçün “yalançı səbəb” yaratmaq məqsədilə saxta seçki hesabatları hazırlamaq niyyətindədirlər.
![](https://www.pinterest.com/pin/create/bookmarklet/?pinFave=1&url=https://bia.az/region/26193-dovlet-chevrilishi-etmek-planim-yoxdur-zurabishvili.html&media=https://teleqraf.com/storage/2024/10/24/ap23247460009586-pic_32ratio_900x600-900x600-62482.jpg&description="Dövlət çevrilişi etmək planım yoxdur" - Zurabişvili){kind=link}