“Paşinyan Ermənistanı Ukrayna yolu ilə aparır” – Slutski
“Ermənistanın Baş naziri Nikol Paşinyan ölkəni Ukrayna yolu ilə aparır”.
Yeniavaz.com xəbər verir ki, bu fikri Dövlət Dumasının Beynəlxalq Əlaqələr Komitəsinin rəhbəri, LDPR lideri Leonid Slutski teleqram kanalında bildirib.
“Paşinyan İrəvanı Ukrayna yolu ilə aparır. Bu, Ermənistan-ABŞ-Aİ formatı inkişaf etdikcə getdikcə daha aydın görünür. Kiyevin kollektiv Qərbin proksi müharibəsindəki uğursuzluqları fonunda Vaşinqton və Brüssel yeni anti-Rusiya sınaq meydançaları axtarırlar. Və görünür, qərblilərin fikirləri getdikcə daha çox ilk növbədə Moldovaya, sonra isə Ermənistana düşməyə başlayıb. İrəvanın indiki hakimiyyət orqanları Avroatlantik şahinlərin vəd etdiyi dəstək və yardımın Rusiyanı zəiflətmək cəhdlərdən başqa bir şey olmadığını başa düşürlər mi. İndi isə - Ermənistan xalqının milli maraqları hesabına və Cənubi Qafqazda sabitliyin pozulması perspektivi ilə”, - Slutski vurğulayıb.
O əlavə edib ki, bu cür kömək suverenliyin itirilməsi, vətəndaş müharibələri və mülki itkilər, iqtisadi böhranlar və humanitar fəlakətlərlə nəticələnir.
