Bia.Az

Görmədik rəqabət

KÖŞƏ YAZARLARI
 15-03-2021, 13:15     296

Qubad İbadoğlu

“Azərbaycana nə lazımdır” sualını bir sözlə ifadə etmək lazım gəlsə, rəqabət deyərdim: siyasətdə rəqabət, iqtisadiyyatda rəqabət, biznesdə rəqabət, sosial müdafiədə rəqabət, təhsildə rəqabət…

Təəssüf ki, müstəqilliyin bərpasından ötən 30 ildə nə rəqabəti dəstəkləyən dövlət qura bildik, nə də qanunların aliliyini təmin edən məhkəmə institutları. Siyasətə rəqabəti azad və ədalətli seçkilərlə, iqtisadiyyata rəqabəti mərkəzsizləşdirilmiş, şəffaf və hesabatlı idarəçiliklə, biznesə rəqabəti antiinhisar qaydaları ilə, sosial müdafiəyə rəqabəti qeyri-dövlət pensiya fondları ilə, ali təhsilə rəqabəti universitetlərin müstəqilliyi və akademik azadlıqlarla gətirmək mümkündür. Azərbaycan hakimiyyəti bunların heç birini etməməklə ölkəni, iqtisadiyyatı, cəmiyyəti, insanları inkişafdan saxladı.

Rəqabət olmayanda qiymətlər əsassız yüksəlir, məhsullar və xidmətlər keyfiyyətini itirir, bazar müasir məhsullardan, istehlakçılar və sahibkarlar alternativ seçim imkanlarından, cəmiyyət yeni mülkiyyətçilər sinfindən, ağıllı təşəbbüslərdən məhrum olur, bir sözlə, millətlər və dövlətlər müvəffəqiyyətsizliyə uğrayır, azad bizneslər iflas olur, insanlar dəyərsizləşir, iş yerləri bağlanır, cavanlar iş axtara-axtara qocalır, qocalar ya pensiyaya çıxmaq, ya da yaxşı təqaüd almaq arzusu ilə həyatla vidalaşır.
скачать dle 12.1