Gürcüstanın bahalıq hesabatı
Gürcüstanın Milli Statistika Xidməti inflyasiya hesabatı yayıb.
Novator.az bildirir ki, rəsmi açıqlamaya görə, iyulda istehlak qiymətləri 2021-ci ilin eyni ayına nəzərən 11,5 faiz artıb.
Ərzaq məhsulları və alkoqolsuz içkilərin il ərzində 16,4, alkoqollu içkilər və tütün məmulatlarının 8,3 faiz bahalaşdığı vurğulanır.
Çörək və un məmulatları üzrə qiymət yüksəlişi 29,3 faiz, mineral su, bulaq suyu, alkoqolsuz içkilər, təbii şirələr üzrə 21,3 faiz, qəhvə, çay, kakao üzrə 18,2 faiz, şəkər, şirniyyat üzrə 18,1 faiz, yağ və piylər üzrə 17,5 faiz, süd, pendir, yumurta üzrə 16,9 faiz, balıq məhsulları üzrə 14,9 faiz, meyvə üzrə 13,7 faiz, ət və ət məhsulları üzrə 12,7 faiz göstərilir.
Nəqliyyat sahəsində 20,6 faiz, kommunal xidmətlərdə 13,3 faiz bahalaşma qeydə alındığı qeyd olunur.
