Zelenski Budanova baş komandan, Zalujnıya Milli Təhlükəsizlik və Müdafiə Şurasının katibi vəzifəsini təklif edib
"Yanvarın 29-da Ukrayna prezidenti Vladimir Zelenski Valeri Zalujnıya onu Ukrayna Silahlı Qüvvələrinin Ali Baş Komandanı vəzifəsindən azad etmək qərarına gəldiyini bildirib".
Bizimyol.info xəbər verir ki, bu barədə "The Economist" yazıb.Mətbuatın yazdığına görə, generala Milli Təhlükəsizlik və Müdafiə Şurasının katibi vəzifəsi təklif olunub, lakin o, bundan imtina edib. Quru Qoşunlarının komandanı Aleksandr Sırski və Ukrayna kəşfiyyatının rəhbəri Kirill Budanov ali baş komandan vəzifəsinə namizədlər hesab edilir.
Nəşr qeyd edir ki, Sırski ordunun ən təcrübəli zabitlərindən biridir, o, 2022-ci ilin ən iki qələbəsi - Kiyev yaxınlığında və Xarkov vilayətindəki uğurlu planları ona “əməliyyat beyni” adı qazandırıb. "Ancaq müharibəyə sərt yanaşması onu orduda populyar olmasına mane olub", - deyə "The Economist" yazır.
Budanov isə komandanlığa “daha qeyri-ənənəvi və sınanmamış” biri kimi tanınır. Onun hələ böyük bir orduya rəhbərlik etmədiyi bildirilir.
“Bəziləri onun işdən son anda ayrıldığını düşünür. Yaxın həmkarı bildiriblər ki, general Budanov general Zalujnının yerini tutmaq fikrində olmayıb, lakin onun da hərbi posta təyinatdan imtina etmək hüququ yoxdur”, - deyə nəşr yazır.
Xatırladaq ki, yanvarın 29-da şəbəkə Valeri Zalujnının işdən çıxarılması barədə yazmağa başlayıb.Jurnalist Roman Tsimbalyuk bildirib ki, onun yerinə Müdafiə Nazirliyinin Baş Kəşfiyyat İdarəsinin rəisi Kirill Budanov təyin olunub.
Müdafiə Nazirliyi və Prezident Aparatı bu açıqlamaları təkzib edib. Ali Baş Komandan Valeri Zalujnı isə baş verənləri şərh etməyib.
