Ozon qatındakı dəlik müəmmalı şəkildə bağlandı - İLGİNC
Arktikadakı ozon qatında olan ən böyük dəlik bağlanıb.
bia.az xəbər verir ki, məlumatı Kopernik Atmosferi Müşahidə Xidməti yayıb: "2020 Şimal Yarımkürədə ozon dəliyi nadir hallarda rastlanılacaq şəkildə bağlanıb".
Bildirək ki, elm adamları mart ayının sonlarına doğru şimal qütbündə nadir görülən bir dəliyin meydana gəldiyini müşahidə edib və bunun şimal qütbündəki aşağı temperaturun nəticəsi olduğu hesab edilib.
Alimlər tərəfindən dəliyin Cənub Yarımkürəsinə qədər genişlənməsinin insanlar üçün risk olacağı da bildirilib. Digər bir tərəfdən isə mütəxəssislər bu hadisənin koronavirus karantin ilə heç bir əlaqəsi olmadığını diqqətə çatdırılıblar.
Qeyd edək ki, bağlanma səbəbi olan əsas amilin karbon emissiyasındakı azalma yox, stratosfer təbəqəsində meydana gələn istilik olduğu deyilir.
