Bia.Az

İrəvan Bakı ilə müharibəyə girərsə... – Fenenko

Gündəm
 10-03-2023, 14:37     280

Əgər Ermənistan sazişi imzalamaqdan imtina edərsə, sülh prosesinin pozulmasında günahkar İrəvan olacaq. Bu yanaşma Ermənistan hakimiyyətinə sərf etmir, ona görə də Azərbaycanı ittiham etmək üçün istifadə edə biləcəkləri səbəblər axtarırlar. Ermənistan tərəfinin Qarabağa hərbi yüklərin daşınması, Azərbaycanın mövqelərinin atəşə tutulması (Azərbaycanın bütün bu təxribatlara cavab verməli olduğu başa düşülür) kimi “alətlərdən” İrəvan getdikcə daha çox istifadə edəcək.

Axar.az xəbər verir ki, bunu Rusiya Beynəlxalq Əlaqələr Şurasının eksperti Aleksey Fenenko deyib.

Ekspertin fikrincə, Qərb hələlik Ermənistanın tərəfində oynayacaq:

“Amma İrəvan birdən Azərbaycanla potensial irimiqyaslı hərbi münaqişəyə qarışarsa (Paşinyanı və onun arxasında duranları tanıyaraq heç nəyi istisna etmək olmaz), onda Qərb dərhal Ermənistandan üz döndərəcək. Və deyəcəklər ki, biz buna güc yolu ilə müdaxilə etmək fikrində deyilik. Bizdə faktiki olaraq Ukrayna var, bununla məşğuluq, arsenallarımızı viran qoyduq, ona görə də özünüz mübarizə aparın.

Bu arada AB missiyası guya Azərbaycan tərəfindən iddia edilən pozuntuları qeydə alacaq. Hələ ki, İrəvanla birgə oynayacaq".

Fenenko qeyd edib ki, Ermənistan hazırda Qərbin təlqin etdiyi istənilən hərəkət kursuna hazırdır:

“Amma burada əsas son məqsəd Rusiyanı pis vəziyyətə salmaqdır. “Rusiyasız sizə istədiyinizi verməyə hazırıq, rusları uzaqlaşdırın” – Qərbin Cənubi Qafqazdakı oyununun mahiyyəti bundan ibarətdir. Amma Rusiyanın da Əliyevin mövqeyi ilə razılaşdığı aydındır. Rusiya XİN-in rəhbəri dəfələrlə qeyd edib ki, Əliyev və Paşinyan tərəfindən qəbul edilən Praqa bəyanatında Almatı Bəyannaməsinə istinad İrəvanın Qarabağı Azərbaycanın ərazisi kimi tanımasını nəzərdə tutur”.скачать dle 12.1