211 saylı məktəbdə biabırçılıq: MƏKTƏB İNVENTARLARINI VİLLASINA DAŞIDI, ŞTATLARI İSƏ...
7NEWS.az xəbər verir ki, bu barədə tanınmış jurnalist İntiqam Valehoğlu məlumat verib:
"211 saylı məktəbdə çox pis şeylər baş verir. Təhsil Nazirliyi məsələni vaxtında nəzarətə götürsə, pis olmaz. Çünki bu, təhsil adına növbəti biabırçılıqdir...
Məktəbin direktoru Həcər Mahmudova, Sulutəpədəki villanız xeyirli olsun. Amma heç olmasa məktəbin inventarlarını villanın tikintisində işlətməyin. Hələ onu demirəm ki, bir qadını laborant adıyla işə götürüblər, qadın sonradan bilib ki, xadimə ştatındadır...
Təhsil Nazirliyindən kim varsa, xahiş edirəm, bu postun altına tag edin. Çox xoşagəlməz səs yazıları göndəriblər. Yeri gəlmişkən, kollektiv nazirliyə müraciət etməkdən çəkinir. Çünki direktorun yaxın qohumu nazirlikdə çalışır və göndərilən bütün məktublar yarıyolda "yoxa çıxır".
