Bia.Az

Vaqif Əmiraslanovun onlayn dərs tələsi

Fakt
 21-12-2020, 15:38     559

Azərbaycan Dövlət Mədəniyyət və İncəsənət Universitetinin nəzdindəki Bakı Humanitar Kollecinin direktoru millət vəkili Əhliman Əmiraslanovun qardaşı Vaqif Əmiraslanovun cinayət tərkibli əməlləri barədə mətbuat səhifələrində çeşidli yazılar dərc edilsə də, nə ona “dur” deyən var, nə də əlaqədar təşkilatlar onun “yaradıcılığını” yoxlamaq istəmir. Deyəsən dünya şohrətli onkoloq-cərrahımız akademik Əhliman Əmiraslanov da qardaşının əməllərini göz ardına vurur. Onun əməllərinə “göz yumanlardan” biri də Azərbaycan Dövlər Mədəniyyət və İncəsənət Universitetinin rektoru tanınmış musiqişünas, sənətşünaslıq doktoru Ceyran Mahmudovadır. Çünki Ceyran xanım bir rəhbər kimi tabeliyində olan içşiləri kiminsə qardaşı olduğuna görə yox, etdiyi əməllərə görə qiymətləndirməlidir. Günahı olanı da cəzalandırmalıdır. Axı, Ceyran xanımı vəzifəyə layiq bilənlər ona etimad göstərərkən bu kimi halları xüsusi nəzarətdə saxlamağı bərk-bərk tapşırıblar.

Nə isə, keçək Humanitar Kollecin direktoru Vaqif Əmiraslanova… Bu günlərdə “Aktualxeber.az” saytına müracət edən Humanitar Kollecin bəzi tələbələrinin valideynləri Vaiqf Əmiraslanovun onlayn dərslərə qoşula bilməyənləri təhdid edərək, onlardan “günahlarını” pulla yumağı tələb edib. Əks halda, tələbələr imtahana buraxılmayacaqlar. Onsuz da, ölkədə internetin bərbad olduğu bir vaxtda onlayn dərslərə qoşulmaq çox çətindir. Bəzən də mümkünsüzdür. Bu da Vaqif Əmiraslanov kimi ədalətin nə olduğunu bilməyən, pula görə hər şeyə əl atan biri üçün sanki göydən düşmə olur. Ceyran xanım Mahmudova da Vaqif Əmiraslanovu qardaşına görə müdafiə etməkdənsə, tələbələrin problemləri ilə maraqlanması daha məqsədə uyğundur. Axı, bu onun borcudur.


Mövzunu nəzarətdə saxlayacağıq və qarşı tərəfin də münasibətini dərc etməyə hazırıq.Aktualxeber.az


скачать dle 12.1