İşğal ordusundakı dustaqlar hərbi hissələrdən qaçırlar - Rusiya Federasiyasına
Rusiyalı işğalçıların öz ordusunun sıralarını doldurmaq üçün istifadə etdikləri dustaqlar silah alandan sonra hərbi hissələri tərk edirlər və Rusiyaya qaçmağa cəhd göstərirlər.
Bu barədə Ukrayna Silahlı Qüvvələri (USQ) Baş Qərargahının «Feysbuk»dakı operativ xəbərində söhət açılır («UNİAN»).
Qeyd olunur ki, Rusiyanın işğal ordu hissələrinin itkilərinin yerinin dustaqların hesabına doldurulması komandanlıq üçün əlavə problemlər yaradıb.
«Bəli, azadlıqdan məhrumetmə yerlərində orduya cəlb olunmuş hərbçilər silah alandan sonra bölmələri tərk edirlər və Rusiya Federasiyasına qayıtmaq üçün imkan arayırlar» - xəbərdə deyilir.
Əldə olan informasiyaya görə, oktyabrın 17-də Xerson vilayətində Müdafiə qüvvələri tərəfindən döyüş sursatı anbarı vurulandan sonra, anbarın qorunmasına cəlb olunmuşların bir hissəsi yaralanıb, qalanı isə qaçmağa üz tutub.
««Rosqvardiya» hissələri diversiya-kəşfiyyat qrupları ilə mübarizə adı altında fərarilərin axtarılması tədbirlərini həyata keçirirlər» - Baş Qərargahda qeyd ediblər.AzPolitika.info/AzPolitika.info/
