Bia.Az

ABŞ-da 5-11 yaşlı uşaqların peyvəndlənməsinə başlanır

Dünya
 3-11-2021, 03:10     24

Noyabrın 8-dən ABŞ-da 5-11 yaşlı uşaqların koronavirus infeksiyası əleyhinə peyvəndlənməsi üzrə dövlət proqramının icrasına başlanacaq.

Novator.az-ın məlumatına görə, bunu “Vaşinqton Post” qəzeti Ağ evin COVİD-19-la bağlı koordinatoru Ceff Zientsə istinadla yazıb.

ABŞ-da qida məhsullarının və dərman preparatlarının keyfiyyətinə sanitar nəzarəti həyata keçirən administrasiya (FDA) 5-11 yaşlı uşaqların koronavirusa qarşı peyvəndlənməsinə bir neçə gün əvvəl icazə verib.

Valideynlər uşaqlarını peyvənd etdirə biləcəkləri tibb məntəqələrinin ünvanlarını Xəstəliklərə Nəzarət və Profilaktika Mərkəzinin saytından öyrənəcəklər.

ABŞ-da 5-11 yaşlarında 28 milyon uşaq var.

2019-cu ilin dekabr ayında Çində üzə çıxıb dünyanı bürüyən koronavirus infeksiyası indiyədək 5 milyon 20 mindən çox adamın ölümünə gətirib. Ölümlərin 767 mindən çoxu ABŞ-da qeydə alınıb.

Mənbə:
Washingtonpost.comскачать dle 12.1