Honkonq faciəsi: ölənlərin sayı yenə artdı...
Honkonqda yaşayış kompleksindəki yanğında ölənlərin sayı artıb.
Axar.az Bakupost.az-a istinadən xəbər verir ki, Honqkonq polisi bu gün yanan binalarda aparılan axtarışlar zamanı daha 5 nəfərin cəsədinin tapıldığını açıqlayıb.
Bununla da yanğın nəticəsində həyatını itirənlərin ümumi sayı 156-ya çatıb.
Məlumata görə, ölənlərdən 127-nin şəxsiyyəti artıq müəyyən edilib.
Faktla bağlı araşdırmalar davam etdirilir.
Qeyd edək ki, noyabrın 26-da Honkonqun Tay Po rayonunda 8 binadan və 2 minə yaxın mənzildən ibarət yaşayış kompleksində yanğın baş vermişdi.
