Jirinovskinin pasportu hərraca çıxarılır – Qiymət
Rusiya Liberal Demokrat Partiyasının yaradıcısı Vladimir Jirinovskinin xarici pasportu Sankt-Peterburqda hərraca çıxarılacaq.
Globalinfo.az xəbər verir ki, bu barədə Rusiya mətbuatı məlumat yayıb.
Bildirilib ki, başlanğıc qiymət 100 min rubl olaraq (təxminən 2 min manat) müəyyən edilib.
“Sənəd 1992–1997-ci illəri əhatə edir. Burada sərhəd xidməti möhürləri, Jirinovskinin şəxsi vizaları və avtoqrafı var. Ümumilikdə, yaxşı vəziyyətdədir”, – deyə hərrac kataloqunda yazılıb.
Qeyd olunub ki, pasport 1992-ci il oktyabrın 19-da Jirinovskiyə beş il müddətinə verilib.
Hərrac aprelin 27-də keçiriləcək.
