İran Ermənistana hərbi dəstək göstərməyə hazırdır – Hüseyni
Ermənistan və İran arasında təhlükəsizlik sahəsində əməkdaşlığın genişlənməsi mümkündür. Buraya silah tədarükü, kəşfiyyat məlumatlarının mübadiləsi və digər sahələrdə əməkdaşlıq daxil ola bilər.
Globalinfo.az xəbər verir ki, bu barədə Ermənistan-İran Əməkdaşlığının İnkişafı Fondunun rəhbəri Puya Hüseyni jurnalistlərlə söhbətində bildirib.
O, İranın Ermənistana bu sahədə dəstək göstərməyə hazır olduğunu vurğulayıb və üçüncü tərəflərin, o cümlədən Qərb və digər ölkələrin bu əməkdaşlığa mane olmamalı olduğunu qeyd edib.
Hüseyni, həmçinin, iki ölkə arasındakı ticarət dövriyyəsinin 300 milyon dollardan 700 milyon dollara yüksəldiyini xatırladıb.
“Ermənistan və İran bu rəqəmi əvvəlcə 1 milyard dollara, sonra isə 3 milyard dollara çatdırmağı planlaşdırır”, – deyə o əlavə edib.
