Bia.Az

Etna aktivləşdi: hava limanlarına xəbərdarlıq edildi – FOTO

Dünya

Bu gün, 00:23 172

taliyanın cənubunda yerləşən və Avropanın ən aktiv vulkanlarından biri olan Etna yenidən kül və lava püskürməyə başlayıb.

Globalinfo.az xəbər verir ki, Anadolu Agentliyi vulkanın görüntülərini paylaşıb.

Hündürlüyü təxminən 3 300 metr olan Etnanın cənub-şərq kraterində dünəndən başlayan aktivlik bu gün axşam saatlarına qədər davam edib. Vulkanın güclü şəkildə kül və lava püskürtdüyü, kül buludunun şərq istiqamətində yayıldığı bildirilib.

Bölgədəki vulkanik fəallığın artması səbəbindən Kataniyada aviasiya üçün xüsusi qırmızı kodlu xəbərdarlıq yayımlanıb, lakin Fontanarossa hava limanının uçuşlara bağlanmadığı qeyd edilib.

Axşam saatlarında başlayan kül püskürmə prosesinin günortadan sonra zəiflədiyi və hava nəqliyyatı üçün edilən xəbərdarlığın tədricən aşağı salındığı bildirilib.