Bir neçə dəqiqə sonra bütün dünya üçün qərar imzalayacam
Son vaxtlar Türkiyə və Azərbaycan arasında iqtisadi sferada müsbət və mənfi yöndə müəyyən dəyişikliklər baş verir. Belə ki, bir qədər Türkiyənin Azərbaycandan təbii qaz idxalının azaldığı məlum olub. Türkiyə Enerji Bazarı Tənzimləmə Qurumunun (EPDK) hesabatına görə, qaz idxalında liderlik Rusiyaya keçib. Bununla yanaşı, cari ilin yanvar-fevral aylarında Azərbaycan Türkiyədən 2,861 milyon ABŞ dolları dəyərində meyvə və tərəvəz məhsulları idxal edib ki, bu da 2024-cü ilin eyni dövrü ilə müqayisədə 25,4 % azdır.
İdxal-ixrac prosesində müsbətə doğru dəyişikliklər olan sahələr də var. Lakin xüsusən qaz idxalının azalması diqqət çəkib və sosial şəbəkələrdə müxtəlif aspektlərdən qiymətləndirilib.
İki qardaş ölkə arasında iqtisadi dalğalanmanın səbəbi nədir?
Globalinfo.az-a danışan iqtisadçı Natiq Cəfərli deyib ki, bunun bir neçə səbəbi ola bilər:
“Hər şeydən öncə mövsümlə bağlı olduğunu deyə bilərik. Ümumiyyətlə, bu kimi statistik məlumatlara günlük, həftəlik deyil, aylıq, rüblük baxmaq daha yaxşıdır. Adətən 6 ay, ya da bir illik statistik məlumatlara baxdıqda daha aydın təsəvvür formalaşır”.
Natiq Cəfərli
İqtisadçı deyib ki, Türkiyənin Azərbaycandan həm təbii qaz, həm də meyvə-tərəvəz məhsullarını idxal etməsindəki rəqəmlər zaman-zaman azalıb və artıb:
“Əksər hallarda bu, mövsümidir. Ümumi mənada isə artım daha çoxdur olur. İki ölkə arasında iqtisadi münasibətləri zədələyəcək ciddi bir problem yoxdur. Belə artım və azalma əvvəlki illərdə də olub. Bu baxımdan, narahat olmağa dəyməz”.
Turan Rzayev
Globalinfo.az
