ABŞ-da “şeytanın buynuzları” görüntüləndi – Unikal foto
ABŞ-da ötən gün baş verən qismən Günəş tutulması zamanı unikal bir mənzərə qeydə alınıb. Peşəkar fotoqraf səmada “Şeytanın buynuzları” adlanan nadir bir optik illüziyanı çəkə bilib.
Globalinfo.az xəbər verir ki, Men ştatında görüntülənən bu möhtəşəm hadisə sosial mediada sürətlə yayılaraq böyük marağa səbəb olub.
Bu fenomenin səbəbi Ayın Günəşi təxminən 85 faiz örtməsi olub. Nəticədə Günəşin yalnız iki parlaq ucu qırmızımtıl alovlu buynuz formasında görünüb. Bu nadir və mistik görüntü sanki göy üzündə şeytanın buynuzlarını xatırladıb.
Qeyd edək ki, Günəş tutulması 3 saat 52 dəqiqə 50 saniyə davam edib və Azərbaycanda müşahidə edilməyib. Növbəti Günəş tutulması sentyabr ayında baş verəcək və ölkəmizdən də izləmək mümkün olacaq.
