Putin üçün fəlakət anı: “Blomberq” Rusiyanın Ukraynadakı iflasından yazdı
Rusiya ordusu bir neçə ay ərzində Ukraynada məhdud uğurla qazana bilib. Bu isə artıq prezident Vladimir Putin üçün böyük çağırışa çevrilir. Çünki onun ordusunun üstünlüyü artıq dağılır.
Globalinfo.az xəbər verir ki, bu iddia ilə “Blomberq” agentliyi çıxış edib. Agentlik yazır ki, hazırda Kiyev ABŞ və özünün Avropadakı müttəfiqlərindən milyardlarla dollar dəyərində silah alır:
“Bu isə Rusiyanın sıçrayışı üçün pəncərəni bağlayır. Hətta Rusiya raketlər və PUA-larla şəhərləri, eləcə də enerji infrastrukturunu vursa da bu pəncərə bağlanır. Moskvanın Ukraynanın şimal-şərqində – Xarkovda yeni cəbhə açmaq cəhdi artıq batır”.
Agentliyin məqaləsində başqa məqama da diqqət çəkilib. Bildirilib ki, Putin Sergey Şoyqunun yerinə iqtisadçı Andrey Belausovu müdafiə naziri təyin etməklə orduda qənaət rejiminə keçməyə məcbur qalıb:
“Sözsüz ki, hər iki tərəf böyük problemlərlə üzləşir. Xüsusilə bu, özünü ölən və yaralanan hərbçilərin mübadiləsi məsələsində göstərir. Ukrayna Prezidenti Volodimir Zelenskinin səfərbərlik barədə yeni sərəncamı isə Ukrayna ordusunda kadr probleminin aktual olaraq qaldığını göstərir. Buna baxmayaraq, Rusiya hələ də döyüş meydanındakı üstünlüyünü əhəmiyyətli nailiyyətə çevirməyib. Ona görə ki, onun komandirləri insan resurslarını xərcləyirlər. Rusiya hərbi gücü hələ də əhəmiyyətli məhdudiyyətlərə sahibdir”.
