İranda prezidentliyə namizədlərin qeydiyyatı başa çatdı
İranda prezidentliyə namizədlərin qeydiyyatı başa çatıb.
Globalinfo.az xəbər verir ki, bu barədə “Tasnim” agentliyi məlumat yayıb.
Məlumata görə, son qeydiyyat günündə 43 nəfər müraciət edib.
“Bu gün saat 18:00-da 14-cü prezident seçkilərində iştirak etmək üçün müraciət edən namizədlərin qeydiyyatı başa çatıb. Ümumilikdə, beş gün ərzində seçki qərargahı İran prezidenti postu uğrunda mübarizə aparmaq istəyən 80 namizədi qeydə alıb”, – deyə məlumatda vurğulanıb.
Bu arada İran prezidenti vəzifəsini icra edən Məhəmməd Moxbər qarşıdan gələn növbədənkənar prezident seçkilərində namizədliyini irəli sürməyib.
Qeyd edək ki, İranda prezident seçkiləri iyunun 28-də, lazım gələrsə, ikinci tur iyulun 5-də keçiriləcək.
