Moskvada hücumda iştirak edən Məhəmmədsobir kimdir? - FOTOLAR
Xəbər verildiyi kimi, Rusiya Federal Təhlükəsizlik Xidmətinin (FTX) direktoru Aleksandr Bortnikov 11 şübhəlinin saxlanıldığı barədə Putinə məruzə edib.
Musavat.com xəbər verir ki, onlardan biri 19 yaşlı Məhəmmədsobir Fayzovdur.
Ancaq belə bir adamın Rusiyada terrorçuların məlumat bazasında olmadığı üzə çıxıb. Bu, ya onun Rusiyaya çox yaxınlarda gəldiyini, ya da soyadının və ya adının səhv verildiyini göstərir.
Xatırladaq ki, terrorçu olduğu güman edilən şəxslərin avtomobili Bryansk vilayətinin Karaçevski rayonunun Xatsun kəndi yaxınlığında tapılıb. Deputat Aleksandr Xinşteynin yazdığı kimi, avtomobil hüquq-mühafizə orqanlarının əməkdaşlarının tələbi ilə dayanmayıb və qaçmağa cəhd edib. Təqib zamanı atəş açılıb və avtomobil aşıb. Terrorçu olduğu güman edilən biri yerindəcə saxlanılıb, qalanları isə meşəyə qaçıb. Axtarış zamanı təxminən saat 3:50-də ikinci şübhəli aşkar edilərək saxlanılıb. “Renault” markalı avtomobildə “Makarov” tapançası (PM), AKM avtomatı üçün maqazin və Tacikistan vətəndaşlarının pasportları tapılıb.
