İsrailin müdafiə naziri: “HƏMAS-ın iki seçimi qalıb”
“HƏMAS-ın Rafah şəhərindəki birləşmələrini də məhv edəcəyik”.
Globalinfo.az xəbər verir ki, bunu İsrailin müdafiə naziri Yoav Qalant deyib.
O bildirib ki, İsrail ordusu Misirlə sərhəddə yerləşən Rafah şəhərində HƏMAS hərəkatının silahlı birləşmələrini məhv etmək niyyətindədir:
“Biz hələ döyüşmədiyimiz yerlərə də çatacağıq. Qəzza zolağının mərkəzində və cənubda, xüsusən də HƏMAS-ın son qalası sayılan Rafahda savaşacağıq”.
Yəhudi nazir qeyd edib ki, HƏMAS-ın bir seçimi var:
“Onlar ya təslim olmalı, ya da ölümü seçməlidir. Çünki başqa variantları yoxdur. Rafahdə gizlənən terrorçular bilməlidir ki, onları Xan Yunis və Qəzzadakıların aqibəti gözləyir”.
