Trampdan KRİTİK AÇIQLAMA: “Sərhədimiz bizim məhvimiz üçün silaha çevrilib”
Sabiq Prezidenti Donald Tramp ölkənin cənub sərhədindəki vəziyyəti ABŞ üçün kütləvi qırğın silahı adlandırıb.
Globalinfo.az xəbər verir ki, Tramp qeyri-qanuni miqrant axını ilə əlaqədar ABŞ-Meksika sərhədində yaranan vəziyyəti şərh edərkən belə deyib:
“Sərhədimiz bizim məhvimiz üçün kütləvi qırğın silahına çevrilib”, deyə sabiq Prezident vurğulayıb.
Qeyd edək ki, Texas qubernatoru Qreq Ebbot ştatın sərhədlərinin qeyri-qanuni miqrantlardan qorunması məsələsində federal hakimiyyət orqanları ilə mübahisəyə hazır olduğunu bildirib. Ona sabiq Prezidet Donald Tramp, ABŞ-ın BMT-dəki keçmiş nümayəndəsi Nikki Heyli, İlon Mask və 25 ştatın respublikaçı qubernatorları dəstək olublar.
Məlumat üçün bildirək ki, yanvarın 22-də ABŞ Ali Məhkəməsi Texas qubernatorunun miqrant axını ilə mübarizə çərçivəsində ABŞ-Meksika sərhədində tikdirdiyi 48 kilometrlik hasarın sökülməsinə qərar verib. Lakin Ştat rəhbərliyi ABŞ administrasiyasını sərhədi lazımi şəkildə qorumamaqda və qeyri-qanuni miqrant axınına göz yummaqda günahlandırıb.
