Netanyahu: "İsrail söz verdiyi kimi, Həmas rəhbərliyini məhv edəcəyik"
"İsrail radikal Fələstinin HƏMAS hərəkatını, xüsusən də onun rəhbərliyini məhv etməkdə qərarlıdır, bundan sonra Qəzza zolağına nəzarət texnokratlara keçə bilər".
Bizimyol.info xəbər verir ki, bunu Yəhudi Dövlətinin Baş naziri Benyamin Netanyahu deyib.
"Həmas rəhbərliyini verdiyimiz sözə uyğun olaraq məhv edəcəyik", - deyə o, mətbuat konfransında Fələstin anklavının müharibədən sonrakı gələcəyi ilə bağlı sualı cavablandırarkən deyib.
Netanyahunun sözlərinə görə, HƏMAS-ın inzibati və hərbi strukturunun məhv edilməsi bu hərəkatın tərəfdarlarının Qəzzada hakimiyyətdə qalma ehtimalını aradan qaldırmalıdır: “Bundan sonra təbii ki, başqa strukturun, texnokratların idarə olunmasının yaradılması lazım gələcək. Nifrət aşılamayan, terrorçulara maaş verməyən, terrorçu göndərməyən strukturu nəzərdə tuturuq. Bu, arzuolunandır, biz bunun üzərində işləyirik, lakin HƏMAS-ı, o cümlədən liderlərini məhv etmədən, bütün bunlardan yaxşıya doğru heç nə çıxmayacağı, nəticəyə nail olunmayacağı aydındır”, - deyə İsrailin baş naziri bildirib.
2023-cü il oktyabrın 7-də Qəzza zolağından HƏMAS yaraqlılarının İsrail ərazisinə soxulması, sərhədyanı qəsəbələrin sakinlərinin qətliamları və 200-dən çox girovun, o cümlədən uşaq, qadın və yaşlı insanların əsir götürülməsindən sonra Yaxın Şərqdə vəziyyət kəskin şəkildə pisləşdi. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab olduğunu bildirib. İsrail Qəzzanı tam mühasirəyə aldığını elan edərək, anklav və Livan, eləcə də, Suriyanın müəyyən bölgələrinə qarşı cavab tədbirləri görməyə başlayıb. İordan çayının qərb sahilində də toqquşmalar dürd aydır ki davam edir.
