Qəzzada atəşkəs əldə etdikdən sonra İsraillə məhbus mübadiləsini müzakirə edə bilərik - HƏMAS
Fələstinin radikal HƏMAS hərəkatı yalnız Qəzza zolağında tam atəşkəs əldə edildikdən sonra İsraillə əsir mübadiləsi məsələsini müzakirə etməyə hazır olduğunu bildirib.
Bizimyol.info xəbər verir ki, bu barədə onun nümayəndəsi Valid əl-Kilani İsrailin Fələstin anklavında iki aylıq atəşkəs təklifini şərh edərkən bildirib.“Əsas şərt müvəqqəti deyil, daimi atəşkəsdir. Yalnız bundan sonra əsirlərin mübadiləsi, humanitar yardımın bərpası kimi digər məsələlər müzakirə olunacaq”, - deyə o, Anadolu agentliyinə açıqlamasında bildirib.
CNN bazar ertəsi bildirib ki, İsrail HƏMAS liderlərinə yeni atəşkəs razılaşması çərçivəsində Qəzza zolağından çıxmağı təklif edib. Kanal iddia edib ki, təklif son həftələrdə ən azı iki dəfə müzakirə olunub, lakin HƏMAS çətin ki, belə şərtlərlə razılaşsın.
2023-cü il oktyabrın 7-də HƏMAS yaraqlılarının Qəzza zolağından İsrailə sızmasından sonra Yaxın Şərqdə vəziyyət kəskin şəkildə pisləşib. Radikal hərəkat hücumu İsrailin Qüdsdəki Əl-Əqsa məscidinə qarşı hərəkətlərinə cavab olduğunu bildirib. İsrail Qəzza zolağının tam blokadaya alındığını elan edərək, onu, eləcə də, Livan və Suriyanın müəyyən ərazilərini vurmağa başlayıb.
İordan çayının qərb sahilində də toqquşmalar baş verir.
