Pakistanın baş naziri İranla münasibətlərin pisləşməsinə görə Davosdan təcili olaraq ölkəyə qayıdır
Pakistanın müvəqqəti hökumətinin baş naziri Ənvar-ül-Haq Kakar Davosda keçirilən Dünya İqtisadi Forumunda iştirakını yarımçıq qoyub və onun təyyarəsi təcili olaraq İslamabada uçub.
Bizimyol.info xəbər verir ki, bu barədə “The News International” qəzeti məlumat yayıb ki, yanvarın 16-da İran Silahlı Qüvvələri pilotsuz uçuş aparatları və raketlərdən istifadə edərək “Ceyş əl-Zolm” terror qruplaşmasının Pakistandakı qərargahına hücum etdiyi üçün hökumət başçısı təcili olaraq vətəninə qayıtmaq qərarına gəlib.Yanvarın 16-da “Tasnim” agentliyi İran silahlı qüvvələrinin Pakistanda “Ceyş əl-Zolm” terror qruplaşmasının iki qərargahına zərbələr endirib. Agentliyin məlumatına görə, əməliyyatda pilotsuz uçuş aparatları və raketlərdən istifadə edilib. Pakistan Xarici İşlər Nazirliyi zərbəni pisləyib və bunu ciddi nəticələrə səbəb ola biləcək hava məkanının pozulması adlandırıb.
Yanvarın 18-də Pakistan Xarici İşlər Nazirliyi İranın Seravan bölgəsinin (Sistan və Bəlucistan əyaləti) bir neçə bölgəsinə endirilən zərbələri təsdiqləyərək, onların məqsədinin “terrorçuların sığınacaqlarını” məhv etmək olduğunu bildirib.
