Ağ Ev Ukraynaya kömək etmək üçün silah istehsalçılarını toplayıb
ABŞ Prezident Administrasiyasının Milli Təhlükəsizlik Şurası bazar ertəsi, yanvarın 8-də vençur kapitalı, texnologiya və müdafiə şirkətlərinin rəhbərləri ilə görüş keçirib.
Bizimyol.info xəbər verir ki, "Reuters"in mənbələrə istinadən verdiyi məlumata görə, görüş 5 saata yaxın davam edib.Məlumat verən mənbə bildirib ki, biz Ukraynaya dəstək üçün innovativ Amerika avadanlıqlarından səmərəli istifadəni müzakirə etdik: “Söhbət bir sıra sistemlərə, xüsusən də pilotsuz uçuş sistemlərinə, dron sistemlərinə qarşı necə mübarizə aparacağına və minalardan təmizləmə məsələsinə yönəldilib”, - deyə rəsmilərdən biri jurnalistlərə bildirib.
Bayden administrasiyasının digər rəsmisi qeyd edib ki, iclas Ağ Evin Milli Təhlükəsizlik Şurasının sədri Ceyk Sallivan tərəfindən “Ukraynaya öz irəliləyişlərini və təşəbbüslərini ləngitmək kimi müəyyən etdikləri bu əsas texnoloji problemlərin öhdəsindən gəlməyə kömək etmək, döyüş meydanına yenidən diqqətin yönəldilməsinə təkan vermək üçün çağırılıb".
İclasda iştirak edən sahibkarlar arasında "Fortem Aerospace" şirkətinin (təhlükəsizlik sektorunda çalışan - təhlükəli pilotsuz təyyarələrin aşkar edilməsi və məhv edilməsi üçün hava məkanının mühafizəsi) rəhbər şəxsləri, "Palantir Technologies" və "Anduril Industries" müdafiə şirkətlərinin rəhbərləri, həmçinin pilotsuz təyyarə istehsalçısı "Skydio" da olub.
Ukraynanın yaxın həftələrdə mövcud hava hücumundan müdafiə sursat ehtiyatlarını tükənə biləcəyi çox real təhlükə var. Bu, ABŞ və Aİ-nin Ukraynaya gələcək hərbi yardımının indi “siyasi maneələr” səbəbindən sual altında olması ilə bağlıdır.
Qərb müttəfiqlərindən hava hücumundan müdafiə sistemləri və raketlərin tədarükü Ukraynanın müdafiəsi üçün çox vacibdir, çünki işğalçı qüvvələr Ukrayna hava hücumundan müdafiə sisteminin mövcud imkanlarına uyğunlaşmağa çalışır.
