Tramp: "Bayden hakimiyyətdə qalsa, ABŞ III Dünya Müharibəsinə cəlb olunacaq"
"Amerika Birləşmiş Ştatlarında əgər hazırkı dövlət başçısı Co Bayden yenidən prezidentliyə seçilərsə, o zaman ABŞ III Dünya Müharibəsinə çəkiləcək və 1929-cu il Böyük Depressiya ilə müqayisə oluna biləcək genişmiqyaslı iqtisadi çətinliklərlə üzləşəcək".
Bizimyol.info xəbər verir ki, bu fikirləri ABŞ-ın keçmiş prezidenti Donald Tramp Ayova ştatında keçirilən mitinqdə tərəfdarları qarşısında çıxışı zamanı deyib.Tramp Baydeni teleprompterdən mətni belə oxuya bilməməkdə günahlandırıb və son hadisəyə görə prezidenti ələ salıb. Respublikaçı Baydenin dediyinə görə, "altı ildir vermədiyi" iddia edilən mətbuat konfransı zamanı demokratlara sadiq olan NBC-nin Meksika ilə sərhəddə miqrantların vəziyyəti ilə bağlı "çox sadə sualına", "vanilli dondurma və ya buna bənzər bir şey haqqında" danışdıqdan sonra adi, əzbərlənmiş bir cavab verib.
“Suala cavab verdikdən sonra divara doğru gedib. Bizdə belə bir prezident var. Biz, əgər onun hakimiyyətdə saxlamaq ilə bağlı qərarı versək, özümüzü III Dünya Müharibəsinin içərisinə çəkilmiş vəziyyətdə olduğumuzu görəcəyik və Böyük Depressiya ilə üzləşəcəyik. ABŞ prezidenti seçilməsəm, sizə deyim ki, hər şey 1929-cu ildəki kimi Böyük Depressiya ilə bitəcək”, - siyasətçi bildirib.
Trampın bu çıxışı ilə bağlı verilişi Amerikanın "Newsmax" telekanalı yayımlayıb.
Trump əvvəllər dəfələrlə Bayden dövründə ABŞ üçün ən pis vəziyyət yaranacağı barədə proqnozlar verib. 2023-cü ilin noyabrında siyasətçi qeyd edib ki, Amerika lideri öz hərəkətləri ilə dünyanı üçüncü dünya müharibəsinə və nüvə münaqişəsinə apara bilər. O bildirib ki, hazırda dünya üçün ən mühüm təhlükə qlobal istiləşmə deyil, “nüvə müharibəsinin” başlamasıdır. Tramp həm də prezident kimi nailiyyətləri ilə öyünməyi xoşlayır. Xüsusilə, o, Ağ Evdə olarkən dünyanı “nüvə Holokostundan” xilas etdiyinə inanır.
