Afrika liderlərinə "Putin mükafatı" veriləcək

Dünya

30-12-2023, 10:43 173

Burkina-Fasoda təsis edilən Rusiya prezidenti Vladimir Putinin adına Afrika xalqlarının azadlığı uğrunda mübarizəyə görə beynəlxalq mükafat afrikalı siyasətçilərə veriləcək.

Bizimyol.info xəbər verir ki, bu barədə Rusiya mətbuatına təşkilat komitəsinin sədri Mahamadi Savadoqo məlumat verib.
Dekabrın 28-də Burkina-Fasonun paytaxtı Uaqaduquda “Afrikada Vladimir Putinə tam dəstək” (SOTOVPOA) ictimai təşkilatının üzvü, Kot-d'İvuardan olan yazıçı Sylvain Takuenə mükafatın təqdimat mərasimi keçirilib. Mərasimdə ölkənin məşhur sənətçiləri, o cümlədən rus-burkiniyalı reper Ruskof çıxış edib.

Mükafatın təşkilat komitəsinin sədrinin deyib ki, 2024-cü ildən başlayaraq bu mükafat müstəqil siyasət yürüdən Afrika liderlərinə veriləcək: "Biz istərdik ki, mükafatlandırma mərasimi Moskvada keçirilsin və şəxsən Vladimir Putin tərəfindən təqdim olunsun. Təbii ki, dəyişikliklər ola bilər", - deyə o qeyd edib.

Savadoqo mükafatın "başqalarını suverenliyi müsbət və konstruktiv şəkildə müdafiə etməyə ruhlandırmaq üçün katalizator ola biləcəyini" söyləyib.

Mükafatın təşkilat komitəsi daha əvvəl Burkinabe lideri İbrahim Traore, eləcə də Malinin müvəqqəti prezidenti Assimi Qoita və Vətənin Xilaskarlığı üzrə Nigeriya Milli Şurasının rəhbəri Abdurrahmane Tchiani ilə həmrəy olduğunu bildirib.

2023-cü ilin sentyabrında Burkina Faso, Mali və Niger kollektiv müdafiə məsələlərini həll edəcək Sahel Dövlətləri Alyansının yaradılması haqqında nizamnamə imzaladılar.

Bu təsis sənədində: “Xartiyanın bir və ya bir neçə tərəfinin suverenliyinin və ya ərazi bütövlüyünün pozulması bütün tərəflərə qarşı təcavüz kimi qiymətləndiriləcək və hərbi güc tətbiqi də daxil olmaqla, onların fərdi və ya kollektiv şəkildə köməyini tələb edəcəkdir”, - deyə qeyd olunub.

Əsrlərlə Avropa dövlətlərinin müstəmləkəsi olmuş Afrika qitəsi əsarətdən qurtarmaq istəyi ilə Rusiya boyunduruğuna girməyə çalışır. "Yağışdan qaçarkən yağmura yaxalanma"sınlar.