Rus mifi dağıldı: “Patriot” “Xəncər”i buna görə vurur
Hipersəs o raket adlanır ki, trayektoriya üzrə uçur, manevrlər edir və hədəfi 5 Max sürətdən artıq sürətlə vurur.
Axar.az xəbər verir ki, bunu ukraynalı aviasiya eksperti Konstantin Krivolap deyib.
“Bu raket buraxıldıqdan sonra mühərriki işə düşür, sürət yığır. Lakin onun sürəti haqqında məlumatlar fərqlidir. Rusiyada deyirlər ki, bu raketin sürəti 10 Maxa çatır. Lakin heç kim buna inanmır. Hazırda bu raketin nə GPS, nə də QLONASS sistemləri ilə əlaqəsi var. Raket bütün uçuş zamanı yüksək sürəti saxlaya bilmir, çünki o, naviqasiya məlumatlarını qəbul etməli və hədəfi tapmalıdır ki, bunu belə sürətlə etmək çox çətindir. Bu baxımdan, "Xəncər"in dəqiqliyinə dair heç bir təsdiq yoxdur. Raket hədəfə ballistik trayektoriya ilə gedir, onun sürəti isə 1.5-2.5 Max təşkil edir. Bu sürət də hipersəs sürət sayılmır. Belə bir hədəfi də vurmaq “Patriot” üçün çətin deyil”, - ekspert bildirib.
Qeyd edək ki, son günlər Ukrayna “Patriot” vasitəsilə Rusiyanın “Xəncər” hipersəs raketlərini vurduğunu elan edib.
