Ağsu şəhər sakini kibercinayətkarlığın QURBANI OLDU - Foto

Kibercinayətkarlıq nəinki ölkəmizdə hətta dünya miqyasında belə təhlükəli həddə çatıb. 

BİA.az xəbər verir ki, müxtəlif vasitələrlə vətəndaşı aldadaraq onun kart məlumatlarını alan fırıldaqçıların bu dəfəki qurbanları Ağsu şəhər sakini Əsədov Qabil Əsəd oğlu olub. Belə ki, o şəxsi maşınını satış məqsədi ilə sayta yerləşdirib. Ona xarici ölkələrdən birinin nömrəsi ilə vatsap mesajı gəlib. Qarşı tərəf elanda olan maşını almaq istədiyini bildirib. Beh olaraq Qabil Əsədova pul göndərmək üçün ondan şəxsiyyət vəsiqəsi və bəzi məlumatlar alıb. AniPay adlı sistemde aparılan müəyyən işlərdən sonra şikayətçidən ona gələcək SMS də yazılan kodu tələb ediblər. Kodu verdikdən bir neçə dəqiqə sonra vətəndaşın kartında olan məbləğin hamısı naməlum şəxslər tərəfindən mənimsənilib.

Vətəndaş aidiyyatı dövlət qurumlarına rəsmi şəkildə şikayət edib. Bu kimi hallarda cinayətkarın tapılmağı əksər vaxtlarda məchul məsələ olur. Vətəndaş Qabil Əsədov saytımız vasitəsi ilə vətəndaşlara səslənərək bildirmək istəyir ki, kimliyindən asılı olmayaraq tanımadıqları adamlara əsla şəxsi məlumatlarını verməsinlər.