Bia.Az

Bədənimizdə bizimlə yaşayan “Obelisk” adlı yeni bir həyat növü tapıldı: "Bu virusa bənzəyir, amma..."

Cəmiyyət
 31-01-2024, 13:33     240

Alimlər insan orqanizmində yaşayan yeni canlılar sinfi aşkar ediblər.


Bizimyol.info xəbər verir ki, "webtekno"nun verdiyi məlumata görə, "Obelisk" adlanan virusa bənzər strukturlar da yeni tədqiqatlara yol açacaq.
Əslində biz insanlar olaraq bir çox canlı növləri ilə birlikdə yaşayırıq. Milyonlarla bakteriya və virus bədənimizdə bizimlə birlikdə yaşayır. Bu canlıların bəzilərini tanıyırıq, bəziləri isə yeni kəşf edilir. Bunlardan biri də virusa bənzər quruluşa malik "Obelisk"lərdir.

Stanford Universitetinin bioloqu İvan Jeludev və komandasının kəşf etdiyi bu maraqlı quruluşla viruslarla daha inkişaf etmiş canlılar arasında keçidi təmin edə biləcək bir növ ortaya çıxdı. İndiyə qədər bu "Obelisk" növlərinin DNT yığınlarının mikrobiomda gizləndiyi bildirilir. Çünki "Obelisk" strukturları az sayda nukleotidlərdən ibarətdir.

Digər elm adamları tərəfindən hələ araşdırılmayan məqalədə 5,4 milyon məlumat toplusu araşdırılmış və təxminən 30 min fərqli "Obelisk" aşkar edilib. Araşdırmaya qatılan insanların yüzdə 10-da bu strukturlar görülüb. Bir məlumat dəstində bu strukturlar insanların ağız toxumasından götürülmüş nümunələrin yarısında müşahidə edilib.

Elm adamları, bir istisna olmaqla, digər obelisklərin hansı strukturlarda yerləşdiyini hələ dəqiq bilmirlər. Bu strukturlarda Oblin adlı yeni bir protein növü üçün kodlar da var. "Obelisk"lərin yarısı bu zülaldan ibarətdir. Bu, "Obelisk"ləri viruslardan fərqləndirir. Onun strukturu da digər hüceyrədaxili strukturlardan daha böyükdür. Tədqiqatçıların fikrincə, struktur DNT plazmidləri yarada bilər.скачать dle 12.1