Sivil Toplum” Monitorinq Koalisiyası DTİHB uzunmüddətli müşahidəçilərinin iştirakı ilə təlimçilər üçün təlim keçirdi
"Sivil Toplum” Monitorinq Koalisiyası ATƏT-in Demokratik Təsisatlar və İnsan Haqları Bürosunun (DTİHB) uzunmüddətli müşahidəçilərinin iştirakı ilə təlimçilər üçün təlim keçirdi.
Bizimyol.info xəbər verir ki, 10 yanvar 2024-cü il tarixində “Sivil Toplum” Monitorinq Koalisiyası ofisində müşahidələr üçün keçiriləcək treninqlərin təlimçilərinə təlim təşkil olunub. Təlimdən əvvəl Koalisiyanın həmsədrləri A. M. Kərimov (“Müstəqil Hüquq Mərkəzi” İctimai Birliyinin sədi), Q. Ə. İbrahimli (“Demokratik Seçki Mərkəzi” İctimai Birliyinin sədri) və Ə. N. Abbasbəyli («Cəmiyyətin İnkişаfı Mərkəzi» İctimаi Birliyinin sədri) iştirakçılar qarşısında çıxış edərək, “Sivil Toplum” Monitorinq Koalisiyası haqqında, 7 fevral 2024-cü il tarixdə keçiriləcək Azərbaycan Respublikasının Prezidentinin növbədənkənar seçkilərində qarşıda duran vəzifələr barədə məlumat veriblər. Q. İbrahimli Koalisiya barədə ətraflı məlumat verərək, təsisçi təşkilatları, onların rəhbərlərini iştirakçılara təqdim edib, Koalisiyanın məqsəd və məramlarını açıqlayıb.
Sonra Ə. N. Abbasbəyli isə seçki mühiti, seçki prosesinin müşahidəsindən danışaraq, 07 fevral 2024-cü il tarixdə keçiriləcək Azərbaycan Respublikasının Prezidentinin növbədənkənar seçkilərində Koalisiyanın müşahidəçilərinin görəcəyi işlər barədə məlumat verib. Təlimçilərin müşahidəçilərin təlimatlandırılması prosesində əhəmiyyətini vurğulayaraq, keçiriləcək təlimlərin uğuruna və faydalı olacağına inandığını bildirdi.
Çıxışların ardınca A. Kərimov təlim prosesinə başlayaraq, “Müşahidəçilər üçün aparılacaq təlim modulu”nu təqdim etdi. Daha sonra Mərkəzi Seçki Komissiyasının hazırladığı “Müşahidəşilər üçün yaddaş” və seçki qanunvericiliyi barədə ətraflı məlumat verildi.
Təlim ayrı-ayrı kazuslarla davam etdirilib.Təlim zamanı iştirakçlıarın çoxsaylı sulları cavablandırılaraq, bir sıra məsələlər ətrafında müzakirələr aparılıb. Sonda isə təlimçilər üçün müvafiq sənədlər təqdim edilib.
Təlim prosesində ATƏT-in Demokratik Təsisatlar və İnsan Haqları Bürosunun (DTİHB) üzunmüddətli müşahidəçiləri Naemi Arcidiacono və Oljas Akanov iştirak edib.
