Rus hərbçilərinin daha bir vəhşiliyi üzə çıxdı - FOTO
Ukraynanın işğaldan azad edilmiş İzyum şəhərində rus hərbçilərin mülki əsirlərə etdiyi işgəncələrlə bağlı növbəti cinayət faktı ortaya çıxıb.
“AzPolitika.info” beynəlxalq KİV-lərə istinadla xəbər verir ki, hadisə Ukraynanın şimalında, İzyum şəhərindən təxminən 15 mil şərqdə yerləşən Piski-Radkivski qəsəbəsində baş verib.
Paylaşılan fotolarda rus hərbçilərinin müxtəlif işgəncələrlə Ukrayna vətəndaşlarından çıxardığı qızıl dişlər, qapaqlar və protezlər əks olunub. Ukrayna rəsmiləri bildiriblər ki, bu, Buça, İrpin və İzyumda kütləvi məzarlıqlar aşkar edildikdən sonra rus əsgərlərinin mülki insanlara işgəncə verərək edam etmələrinin son nümunəsidir.
