"Sülhməramlılar iki gündən sonra Qazaxıstandan çıxmağa başlayacaq" - Prezident
“Kollektiv Təhlükəsizlik Müqaviləsi Təşkilatının kontingenti iki gündən sonra Qazaxıstandan çıxmağa başlayacaq. Ölkədə vəziyyət sabitdir. KTMT-nin əsas missiyası başa çatıb”.
“Report” TASS-a istinadən xəbər verir ki, bunu Qazaxıstan Prezidenti Kasım-Jomart Tokayev deyib.
“Qazaxıatana hücum planı mürəkkəb olub. Bu məsələnin üstündə peşəkarlar işləyirdi. Hücumçular Qazaxıstanda hakimiyyəti ələ keçirmək istəyiblər. Dövlət çevrilişi isə baş tutmayıb. Qazaxıstan milli təhlükəsizlik sxemi yenidən formalaşmalıdır. Ölkədə Milli Qvardiyanın yeni bölmələri və xüsusi təyinatlılar yaradılmalı, sərhəd xidmətinin fəaliyyətinə yenidən baxılmalıdır. Ölkədə dini ekstremizm və cinayətkarlığın qarşısı alınmalıdır. Təəssüf ki, sosial bərabərsizlik problemi pisləşməkdədir”, - dövlət başçısı bildirib.
![](https://www.pinterest.com/pin/create/bookmarklet/?pinFave=1&url=https://bia.az/siyaset/7726-sulhmeramlilar-iki-gunden-sonra-qazaxistandan-chixmaga-bashlayacaq-prezident.html&media=https://static.azpolitika.info/storage/news/ecdaa0c2ab308eb8b01d5d98417712ff/1cb3f1d3-29e3-4514-94a4-de49b070e299.jpg&description="Sülhməramlılar iki gündən sonra Qazaxıstandan çıxmağa başlayacaq" - Prezident){kind=link}