Hələ bilmirəm, qərar verməmişəm – Putin
Hələ bilmirəm: bu barədə düşünməmişəm və qərar verməmişəm, baxarıq.
Axar.az xəbər verir ki, bu sözləri Rusiya Prezidenti Vladimir Putin mətbuat konfransında sentyabrda Hindistanda keçiriləcək G-20 sammitinə gedib-getməyəcəyi ilə bağlı sualı cavablandırarkən deyib.
Yohannesburqda keçiriləcək BRİKS ölkələri sammitinə isə Rusiya XİN rəhbəri Sergey Lavrovun gedəcəyini bildirib.
“Artıq dəqiqləşib: BRİKS sammitinə video-formatda qatılacağam”, - Putin vurğulayıb.
Qeyd edək ki, BRİKS sammiti 22-24 avqustda Yohannesburqda (CAR), G-20 sammiti isə 9-10 sentyabr 2023-cü ildə Nyu Dehlidə keçiriləcək.
