MEDVEDEV BU DƏFƏ ZELENSKİNİ TƏHDİD ETDİ - “Başqa çarəmiz qalmadı...”
Rusiya Təhlükəsizlik Şurasının sədr müavini Dmitri Medvedev Kremlə hücuma cavab olaraq Ukrayna Prezidenti Volodimir Zelenskinin və onun komandasının məhv edilməli olduğunu bildirib.
“AzPolitika.info” xəbər verir ki, bu barədə o, özünün "Telegram" kanalından paylaşım edib.
“Bugünkü terror aktından sonra Zelenski və onun komandasının fiziki məhv edilməsindən başqa heç bir seçim qalmadı. Hətta qeyd-şərtsiz təslim olma aktını imzalamağa belə ehtiyac yoxdur”, - deyə Rusiya rəsmisi qeyd edib.
Xatırladaq ki, Rusiya mayın üçü gecə Kremlə PUA ilə hücum edildiyini açıqlayıb. Moskva hücuma görə Ukraynanı günahlandırıb. Kiyev isə ittihamları rədd edib.
