Bia.Az

Epilepsiyalı uşağın pensiyasını kəsiblər... - MÜRACİƏT

Sosial
 10-10-2022, 10:24     309

“Oğlumun epileptikdir.Həmçinin bir ayağı, pəncəsi digərindən gödəkdir. 1 yaş yarımlığından pensiya alır. İndi 9 yaşı var, 4 aydır ki, pensiyası kəsilib. Bir dəfə müraciət etdik, imtina cavabı gəldi. İkinci dəfə yenə müraciət etdik və 20 gündür ki, cavab ala bilmirik”.

Bunu Goranboy rayonu Baxçakürd kənd sakini Namiq Şərifov Toplum TV-nin qaynar xəttinə yazıb. Şikayətçi övladının pensiya işinin səbəbsiz yerə gecikdirildiyini deyir:

“Oğlum 1 yaş yarımından iki dəfə olmaqla 3 il müddətinə pensiya alıb. 2022-ci ilin iyul ayında yenidən komissiyadan keçmə vaxtı olduğu üçün pensiyası kəsildi. Sentyabrın 14-də Goranboy rayonu mərkəzi xəstəxanasında komissiyadan keçdik. Sentyabrın 20-də isə imtina cavabı gəldi”.

Şikayətçi deyir ki, imtina səbəbi kimi epilepsiya tutmaları sayının qeyd edilməməsi göstərilib. Bu cavabdan sonra övladı ilə Bakıya üz tutan N. Şərifov tibbi ekspertiza komissiyasında uşağı təkrar müayinədən keçirsə də, 20 gündür ki, heç bir cavab ala bilmədiyini qeyd edir.

“Bakıya tibbi ekspertisiya komissiyasında uşağın 1 ay orada yatmasının vacibliyi və sudurqalarının sayı ilə bağlı heçnə demədilər. Sadəcə uşağın videosunu çəkdilər, dedilər ki, get işi buradan vuracağıq, yaxşı olacaq. Ancaq heç bir səs-soraq yoxdur”.

Dövlət Tibbi-Sosial Ekspertiza və Reabilitasiya Agentliyinin mətbuat xidmətinin rəhbəri Tural Qurbanov Toplum TV-nin sorğusuna cavab olaraq bildirdi ki, vətəndaş əyani müayinədən keçib və qiymətləndirmə aparılır.

Toplum TV

Epilepsiyalı uşağın pensiyasını kəsiblər...
Epilepsiyalı uşağın pensiyasını kəsiblər...
Epilepsiyalı uşağın pensiyasını kəsiblər...
Epilepsiyalı uşağın pensiyasını kəsiblər...


скачать dle 12.1