Kreml Krımın itirilməsinə hazırlaşır - İşğalçılar gizli sorğu başladıblar
Rusiyalı diktator Vladimir Putin Kerç körpüsündəki partlayışdan sonra, Krımda sülh və sabitlik illüziyalarını itirib. İndi Rusiya Federasiyasında (RF) bu barədə «gizli sorğu» işə salıblar ki, bu ölkənin vətəndaşları yarımadanın itirilməsini necə qəbul edəcəklər və onu müdafiə etməyə hazırdırlarmı?
Bu barədə Milli Müqavimət Mərkəzi yazır («UNİAN»).
«RF-da ictimai rəyi «öyrənən» dövlət təşkilatları təcili tapşırıq alıblar ki, Krımın Ukraynanın nəzarəti altına qaytarılması barədə sorğu keçirsinlər. Kerç körpüsündə yarımadada sülh və sabitlik illüziyalarını da partlatmış partlayışın və USQ uğurları fonunda Kreml qərara gəlib ki, təcili surətdə öz vətəndaşlarının yarımada uğrunda döyüşdə məğlubiyyətə münasibətini öyrənsin. Qapalı araşdırmanın barəsində məlumatlar oktyabrın ortalarında hazır olmalıdır» - xəbərdə deyilir.
Milli Müqavimət Mərkəzinin məlumatına görə, sorğunun açar müddəalarının birində sual var: «Rusiyalılar Krım üzərində nəzarətin itirilməsi təqdirində Ukrayna ilə döyüşməyə hazırdırlarmı?» Moskvada yerli gizli hərəkatın müqavimətindən narahatdırlar. İlkin məlumata görə, Krımın yerli sakinləri elan olunmuş səfərbərlikdən narazıdırlar və döyüşməyə hazır deyillər.
Hələlik məlum deyil ki, rusiyalılar tədqiqatın nəticələrindən kütləvi istifadə edəcəklərmi?
«Əgər bu, baş verərsə, o zaman nəşrin açar tezisi bu olacaq ki, «rus xalqı Krım uğrunda döyüşməyə hazırdır»» - Mərkəz əlavə edir.
AzPolitika.info
